ವಶಪಡಿಸಿಕೊಂಡ 160 ಕೆಜಿ ಗಾಂಜಾದಲ್ಲಿ 159 ಕೆಜಿ ಮಾರಾಟ ಮಾಡಿದ್ದ ದೆಹಲಿ ಪೊಲೀಸರು ಅಮಾನತು!

ಹೊಸದಿಲ್ಲಿ: ದಾಳಿಯಲ್ಲಿ ವಶಪಡಿಸಿಕೊಳ್ಳಲಾಗಿದ್ದ 160 ಕೆಜಿ ಗಾಂಜಾದಲ್ಲಿ, 159 ಕೆಜಿ ಗಾಂಜಾವನ್ನು ಮಾರಾಟ ಮಾಡಿದ್ದ ನಾಲ್ವರು ದೆಹಲಿ ಪೊಲೀಸರನ್ನು ಅಮಾನತು ಮಾಡಲಾಗಿದೆ.

ಇಲ್ಲಿನ ಜಹಾಂಗೀರ್‌ಪುರಿ ಪೊಲೀಸ್ ಠಾಣೆಯ ನಾಲ್ವರು ಪೊಲೀಸರು, ದಾಳಿಯಲ್ಲಿ ವಶಪಡಿಸಿಕೊಂಡಿದ್ದ ಸುಮಾರು 160 ಕೆಜಿ ಪೈಕಿ 159 ಕೆಜಿ ಗಾಂಜಾ ಮಾರಿ ಹಣ ಪಡೆದಿದ್ದರು.

ಬಾಲಿವುಡ್‌ ಡ್ರಗ್ಸ್‌ ದಂಧೆ: ವಿಚಾರಣೆಯಲ್ಲಿ ದೀಪಿಕಾ, ಶ್ರದ್ಧಾ ಒಪ್ಪಿಕೊಂಡಿದ್ದೇನು? ನಿರಾಕರಿಸಿದ್ದೇನು?

ದಾಖಲೆಯಲ್ಲಿ ಕೇವಲ 1 ಕೆಜಿ ಗಾಂಜಾವನ್ನಷ್ಟೇ ವಶಪಡಿಸಿಕೊಳ್ಳಲಾಗಿದೆ ಎಂದು ಸೇರಿಸಿದ್ದ ಈ ನಾಲ್ವರು ಪೊಲೀಸರು, ಉಳಿದ 159 ಕೆಜಿ ಗಾಂಜಾವನ್ನು ಮಾರಾಟ ಮಾಡಿ ಬಂದ ಹಣವನ್ನು ಹಂಚಿಕೊಂಡಿದ್ದರು.

ಕಳಡದ ಸೆ.11 ರಂದು ಪೆಡ್ಲರ್ ಮನೆ ಮೇಲೆ ದಾಳಿ ನಡೆಸಿದ್ದ ಪೊಲೀಸರು ಒಟ್ಟು 160 ಕೆಜಿ ಗಾಂಜಾವನ್ನು ವಶಪಡಿಸಿಕೊಂಡಿದ್ದರು. ಆದರೆ 159 ಕೆಜಿ ಗಾಂಜಾವನ್ನು ಇರರಿಗೆ ಮಾರಿದ್ದಲ್ಲದೇ ಪೆಡ್ಲರ್‌ನಿಂದ 1.5 ಲಕ್ಷ ಲಂಚ ಪಡೆದು ಆತನನ್ನು ಬಿಟ್ಟಿದ್ದರು.

ಡ್ರಗ್ ಕೇಸ್‌: ಸಿಸಿಬಿ ಅಧಿಕಾರಿಗಳ ವಿಚಾರಣೆ ಎದುರಿಸಿದ ಬಳಿಕ 'ಆ್ಯಂಕರ್‌' ಅನುಶ್ರೀ ಹೇಳಿದ್ದೇನು?

ಆದರೆ ಈ ವಿಚಾರಣೆ ಕುರಿತು ಅನುಮಾನ ವ್ಯಕ್ತಪಡಿಸಿದ ಹಿರಿಯ ಪೊಲೀಸ್ ಅಧಿಕಾರಿಗಳು, ಈ ನಾಲ್ವರೂ ಪೊಲೀಸರನ್ನು ವಿಚಾರಣೆಗೆ ಒಳಪಡಿಸಿದಾಗ ಸತ್ಯ ಹೊರ ಬಿದ್ದಿದೆ.

ಸದ್ಯ ಕರ್ತವ್ಯಲೋಪದ ಆರೋಪದ ಮೇಲೆ ಜಹಾಂಗೀರ್‌ಪುರಿಯ ಇಬ್ಬರು ಸಬ್ ಇನ್ಸಪೆಕ್ಟರ್ ಹಾಗೂ ಇಬ್ಬರು ಪೇದೆಗಳನ್ನು ಅಮಾನತು ಮಾಡಲಾಗಿದ್ದು, ತನಿಖೆಯನ್ನು ಮುಂದುವರೆಸಲಾಗಿದೆ ಎಂದು ಪೊಲೀಸರು ಸ್ಪಷ್ಟಪಡಿಸಿದ್ದಾರೆ.

ಡ್ರಗ್ಸ್‌ ಪಾರ್ಟಿ ಎನ್ನಲಾದ ವೈರಲ್‌ ವಿಡಿಯೋ ಬಗ್ಗೆ ನಿರ್ಮಾಪಕ ಕರಣ್‌ ಜೋಹರ್‌ ಸ್ಪಷ್ಟನೆ!

ಇಡೀ ದೇಶದಾದ್ಯಂತ ಮಾದಕವಸ್ತು ಮಾರಾಟ ಹಾಗೂ ಸೇವನೆ ವಿರುದ್ಧ ದೊಡ್ಡ ಮಟ್ಟದ ಅಭಿಯಾನವೇ ಆರಂಭವಾಗಿದ್ದು, ಇಂತಹ ಸಂದರ್ಭದಲ್ಲಿ ಪೊಲೀಸರೇ ಮಾದಕವಸ್ತು ಮಾರಾಟದ ಜಾಲದಲ್ಲಿ ಸಿಕ್ಕಿ ಬಿದ್ದಿರುವುದು ಸಿಜಕ್ಕೂ ದರುದೃಷ್ಟಕರ ಎಂದು ಹೇಳಬಹುದಾಗಿದೆ.