ಗಣರಾಜ್ಯೋತ್ಸವ ವೇಳೆ ಬಾಂಬ್‌ ಸ್ಫೋಟ ಸಂಚು: ಐವರು ಉಗ್ರರ ಬಂಧನ

ಹೊಸದಿಲ್ಲಿ: ಮುಂದಿನ ವಾರ ನಡೆಯಲಿರುವ ಗಣರಾಜ್ಯೋತ್ಸವ ಸಂಭ್ರಮ ವೇಳೆ ಹೊಸದಿಲ್ಲಿ, ಜಮ್ಮು ಕಾಶ್ಮೀರ ಸೇರಿದಂತೆ ಹಲವೆಡೆ ಬಾಂಬ್‌ ಸ್ಫೋಟದ ಸಂಚು ರೂಪಿಸಿದ್ದ ಉಗ್ರರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಈ ಐವರು ಜೈಷೆ ಮೊಹಮ್ಮದ್‌ ಸಂಘಟನೆಗೆ ಸೇರಿದವರು ಎಂದು ಪೊಲೀಸ್‌ ಮೂಲಗಳು ತಿಳಿಸಿವೆ.

ಗಣ ರಾಜ್ಯೋತ್ಸವಕ್ಕೆ ಕೆಲವೇ ದಿನಗಳ ಬಾಕಿ ಇರುವಂತೆಯೇ ಜಮ್ಮು ಕಾಶ್ಮೀರದ ಕೆಲವೆಡೆ ಸ್ಫೋಟಗಳು ಸಂಭವಿಸಿವೆ. ಜೈಷೆ ಮೊಹಮದ್‌ ಉಗ್ರರ ಇನ್ನಷ್ಟು ಸಂಚು ಪತ್ತೆ ಹಚ್ಚಿರುವ ಪೊಲೀಸರು ಐವರುನ್ನು ವಶಕ್ಕೆ ಪಡೆದಿದ್ದಾರೆ.

ಈ ಸಂಬಂಧ ಜಮ್ಮು ಕಾಶ್ಮೀರ ಪೊಲೀಸರು ಟ್ವೀಟ್‌ ಮಾಡಿದ್ದಾರೆ.

ಸಂಚುಕೋರರಿಂದ ಎಕೆ 47 ರೈಫಲ್‌, ಸ್ಫೋಟಕ ಸಾಮಗ್ರಗಿ, ಜಿಲಟಿನ್‌ ಕಡ್ಡಿಗಳು, ಡಿಟೊನೆಟರ್‌ಗಳು, ಮೆಮೊರಿ ಕಾರ್ಡ್‌, ನಕ್ಷೆಗಳು ಸೇರಿದಂತೆ ಭಾರಿ ಪ್ರಮಾಣದ ಶಸ್ತ್ರಾಸ್ತ್ರ ವಶಪಡಿಸಿಕೊಳ್ಳಲಾಗಿದೆ.