ಕೊರೊನಾ ನಿಯಂತ್ರಣಕ್ಕೆ ಸಾಮಾಜಿಕ ಅಂತರ, ಕೇರಳಿಗರ ಪ್ಲಾನ್‌ಗೆ ನೆಟ್ಟಿಗರು ಫಿದಾ

ತಿರುವನಂತಪುರಂ: ಕೊರೊನಾ ವೈರಸ್ ಹರಡದಂತೆ ಹೇಗೆಲ್ಲಾ ಸಾಮಾಜಿಕ ಅಂತರವನ್ನು ಕಾಪಾಡಿಕೊಳ್ಳಬಹುದು ಎಂಬ ಭಿನ್ನ ಭಿನ್ನವಾದ ಐಡಿಯಾಗಳು ಗಮನ ಸೆಳೆಯುತ್ತಿದೆ. ಜನರ ನಡುವೆ ಅಂತರವನ್ನು ಕಾಯ್ದುಕೊಳ್ಳಲು ವೃತ್ತಾಕಾರದಲ್ಲಿ ಗುರುತುಗಳನ್ನು ಹಾಕುವ ಐಡಿಯಾ ಸಖತ್ ಫೇಮಸ್ ಆಗಿದೆ.

ಪೊಲೀಸರ ಈ ಕ್ರಮ ಸಾಮಾಜಿಕ ಜಾಲತಾಣಗಳಲ್ಲಿ ಮೆಚ್ಚುಗೆ ಪಡೆಯುತ್ತಿದೆ. ಆದರೆ ಕೇರಳ ದಿನಸಿ ಅಂಗಡಿಯ ವ್ಯಕ್ತಿಯೊರ್ವ ಸಾಮಾಜಿಕ ಅಂತರವನ್ನು ಕಾಯ್ದುಕೊಳ್ಳಲು ಭಿನ್ನವಾದ ಐಡಿಯಾವನ್ನು ತೋರಿಸಿಕೊಟ್ಟಿದ್ದಾರೆ. ಇದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಫಾಲೋ ದಿ ಸರ್ಕಲ್: ಹುಬ್ಬಳ್ಳಿಯಲ್ಲಿ ಸೋಶಿಯಲ್ ಡಿಸ್ಟನ್ಸಿಂಗ್ ಕಮಾಲ್!

ದಿನಸಿ ಅಂಗಡಿ ಮಾಲೀಕನೊಬ್ಬ ಅಂಗಡಿಗೆ ಬಂದ ಗ್ರಾಹಕರಿಗೆ ಧವಸ ಧಾನ್ಯವನ್ನು ನೇರವಾಗಿ ಅವರ ಕೈಚೀಲಕ್ಕೆ ಹಾಕುವ ಬದಲಾಗಿ ಅಗಲವಾದ ಪೈಪ್‌ ಮೂಲಕ ಸುರಿಯುವ ವಿಧಾನವನ್ನು ಪರಿಚಯಿಸಿದ್ದಾರೆ. ಈ ಪೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಹಾಗೂ ನೆಟ್ಟಿಗರಿಂದ ಭಾರೀ ಮೆಚ್ಚುಗೆಗೂ ಪಾತ್ರವಾಗುತ್ತಿದೆ.

ಲಾಕ್‌ಡೌನ್ ಎಫೆಕ್ಟ್: ಆನ್‌ಲೈನ್ ಮಾರಾಟಗಾರರ ಸಭೆ ಕರೆದ ಬೆಂಗಳೂರು ಪೊಲೀಸ್ ಕಮಿಷನರ್

ಕೋವಿಡ್‌-19 ಸೋಂಕು ಹಲವು ವಿಧಾನಗಳಿಂದ ಹರಡುತ್ತೆ. ಅದರಲ್ಲೂ ಕನಿಷ್ಠ ಆರು ಅಡಿಯಷ್ಟು ಪರಸ್ಪರ ಅಂತರವನ್ನು ಕಾಯ್ದುಕೊಳ್ಳುವುದು ಉತ್ತಮ. ಒಬ್ಬರ ಕೈಯನ್ನು ಸೋಂಕಿತ ವ್ಯಕ್ತಿ ಮುಟ್ಟುವುದರಿಂದ ಕೊರೊನಾ ಹರಡಬಹುದು. ಅವಲ್ಲದೆ ಕೊರೊನಾ ಸೋಂಕಿತ ವ್ಯಕ್ತಿ ಮುಟ್ಟಿದ ವಸ್ತುವನ್ನು ಮತ್ತೊಬ್ಬರು ಮುಟ್ಟುವುದರಿಂದ ಈ ಸೋಂಕು ಹರಡಬಹುದು.

ಈ ನಿಟ್ಟಿನಲ್ಲಿ ಸಾಕಷ್ಟು ಎಚ್ಚರಿಕೆಯ ಕ್ರಮಗಳನ್ನು ಕೈಗೊಳ್ಳಲಾಗುತ್ತಿದೆ. ಸಾಮಾಜಿಕ ಅಂತರವನ್ನು ಕಠಿಣವಾಗಿ ಪಾಲನೆ ಮಾಡಬೇಕು ಎಂಬ ಒತ್ತಾಯವನ್ನು ಸರ್ಕಾರವೂ ಮಾಡುತ್ತಿದೆ. ಇಂತಹ ಸಂದರ್ಭದಲ್ಲಿ ಕೇರಳದ ಈ ದಿನಸಿ ಅಂಗಡಿ ಮಾಲೀಕ ತೋರಿಸಿಕೊಟ್ಟ ಸಾಮಾಜಿಕ ಅಂತರದ ಐಡಿಯಾ ನಿಜಕ್ಕೂ ಮೆಚ್ಚತಕ್ಕದ್ದು.