ಕೊರೊನಾ ಭೀತಿ ಇರುವಾಗಲೇ ಶುರುವಾಯಿತು ಹ್ಯಾಂಟ ವೈರಸ್ ಕಾಟ, ಏನಿದು ಹೊಸ ವೈರಾಣು

ಹೊಸದಿಲ್ಲಿ: ಕೊರೊನಾ ವೈರಸ್ ಈಗ ಇಡೀ ವಿಶ್ವವನ್ನೇ ಭೀತಿಯ ಜಗತ್ತಿಗೆ ಕೊಂಡೊಯ್ದಿದೆ. ಪರಿಸ್ಥಿತಿ ಅತ್ಯಂತ ವಿಷಯವಾಗಿರುವಲೇ ಮತ್ತೊಂದು ವೈರಸ್‌ ಈಗ ಚೀನಾದಿಂದ ಬಂದಿರುವ ವರದಿಯಾಗಿದೆ.

ಇದು ಕೊರೊನಾ ಪಾರ್ಟ್‌ 2 ಎಂದು ವಿಜ್ಞಾನಿಗಳು ಈಗಾಗಲೇ ವಿಶ್ಲೇಷಣೆ ಮಾಡುತ್ತಿದ್ದಾರೆ.

ಈಗ ಚೀನಾದಿಂದ ಶುರುವಾಗಿರುವ ಹೊಸ ವೈರಸ್‌ ಕಾಟದ ಹೆಸರು ಹ್ಯಾಂಟ.

ಆದರೆ ಇದು ಇಲಿಗಳಿಂದ ಹರಡುತ್ತದೆ ಎಂದು ವಿಜ್ಞಾನಿಗಳು ಸ್ಪಷ್ಟಪಡಿಸಿದ್ದಾರೆ. ಸಮಾಧಾನಕರ ವಿಷಯ ಎಂದರೆ ಈ ಸೋಂಕು ಗಾಳಿಯಿಂದ ಹರಡುವುದಿಲ್ಲ.

ಇದು ಮನುಷ್ಯರಿಂದ ಮನುಷ್ಯರಿಗೆ ಹರಡುವ ಸಾಂಕ್ರಾಮಿಕ ಅಲ್ಲ. ಆದರೆ ಇಲಿಗಳ ಮಲ, ಮೂತ್ರ, ಲಾಲಾ ರಸ ಸ್ಪರ್ಶಿಸಿದರೆ ಸೋಂಕು ತಗುಲುತ್ತದೆ.

ಇವುಗಳನ್ನು ಮುಟ್ಟಿ ನಂತರ ಕಣ್ಣು, ಮೂಗು, ಬಾಯಿ ಮುಟ್ಟಿಕೊಂಡರೆ ವೈರಸ್‌ ತಗುಲುತ್ತದೆ.

ಚೀನಾ, ಅರ್ಜೆಂಟೀನಾ, ಚಲಿಯಲ್ಲಿ ಈಗ ಈ ಅಪರೂಪದ ವೈರಸ್‌ ಕಾಣಿಸಿಕೊಂಡಿದೆ.

ಈ ವೈರಸ್‌ನಿಂದ ಜ್ವರ, ತಲೆನೋವು, ಸ್ನಾಯುಗಳಲ್ಲಿ ನೋವು, ತಲೆ ತಿರುಗುವಿಕೆ, ಹೊಟ್ಟೆ ನೋವು, ಶೀತ, ವಾಂತಿ ಸೇರಿದಂತೆ ಇತರೆ ತೊಂದರೆ ಕಾಣಿಸಿಕೊಳ್ಳುತ್ತದೆ. ನಂತರದ ದಿನಗಳಲ್ಲಿ ಶ್ವಾಸಕೋಶಗಳಿಗೆ ನೀರು ತುಂಬುತ್ತದೆ ಎಂದು ವಿಜ್ಞಾನಿಗಳು ಮಾಹಿತಿ ನೀಡಿದ್ದಾರೆ.

ಈ ಹ್ಯಾಂಟ ವೈರಸ್‌ ಬಗ್ಗೆ ಇನ್ನಷ್ಟು ಅಧ್ಯಯನ ಅಗತ್ಯವಿದೆ ಎಂದು ಸಂಶೋಧಕರು ತಿಳಿಸಿದ್ದಾರೆ.