ಸ್ಕಾಟ್‌ಲ್ಯಾಂಡ್‌ನಲ್ಲಿ ಕನ್ನಡ ಸಂಘ ಆರಂಭ

ಸ್ಕಾಟ್‌ಲ್ಯಾಂಡ್‌: ಸಪ್ತಸಾಗರಗಳನ್ನು ದಾಟಿದರೂ ಕನ್ನಡಿಗರ ಮನ ಸದಾ ಕನ್ನಡ ಡಿಂಡಿಮ ಎನ್ನುತ್ತಲೇ ಇರುತ್ತದೆ. ಕನ್ನಡವೇ ನಮ್ಮಮ್ಮ, ಅವಳಿಗೆ ಕೈ ಮುಗಿಯಮ್ಮ ಎಂದು ಪ್ರತಿಯೊಬ್ಬ ಕನ್ನಡಿಗನೂ ಹೇಳುತ್ತಿರುತ್ತಾನೆ. ಕನ್ನಡ ನಾಡಿನಲ್ಲಿ ಹುಟ್ಟಿದರೂ ಬೇರೆ ದೇಶದಲ್ಲಿ ಕಾಯಕ ನಿರ್ವಹಿಸುತ್ತಿವವರು ಕೂಡ ಹುಟ್ಟಿದರೆ ಕನ್ನಡ ನಾಡಿನಲ್ಲಿ ಹುಟ್ಟಬೇಕು ಎಂದು ಹೆಮ್ಮೆಯಿಂದ ಹೇಳಿಕೊಳ್ಳುತ್ತಿರುತ್ತಾರೆ.

ಇಂಥವರ ಸಂಖ್ಯೆ ಕೋಟ್ಯಂತರ ಇದೆ. ಅದರಲ್ಲೂ ಅನಿವಾಸಿ ಭಾರತೀಯರಾಗಿರುವಂತೂ ಕನ್ನಡ ಸೇವೆ ಸದಾ ಮುಂದಾಗಿರುತ್ತಾರೆ.

ಈಗ ಬಹುತೇಕ ಎಲ್ಲ ದೇಶಗಳಲ್ಲೂ ಕನ್ನಡ ಸಂಘಟನೆ ಜೋರಾಗಿಯೇ ಸಾಗಿದೆ. ಈಗ ಸ್ಕಾಟ್‌ಲ್ಯಾಂಡ್‌ನಲ್ಲಿ ಕನ್ನಡ ಕಲರವ ಶುರುವಾಗಿದೆ. ಏಕೆಂದರೆ ಅಲ್ಲಿಯೂ ಕನ್ನಡ ಸಂಘಟನೆ ಆರಂಭವಾಗಿದೆ.

ಕನ್ನಡ ಅಸೋಸಿಯೇಷನ್‌ ಆಫ್‌ ಸ್ಕಾಟ್‌ಲ್ಯಾಂಡ್‌-ಎಡಿನ್‌ಬರ್ಗ್‌ ಹೆಸರಿನಲ್ಲಿ ಸಂಘ ಸ್ಥಾಪಿಸಲಾಗಿದೆ.

ಈ ಸಂಘದ ಮೂಲಕ ಸ್ಕಾಟ್‌ಲ್ಯಾಂಡ್‌ನಲ್ಲಿ ಕನ್ನಡ ಕಾರ್ಯಕ್ರಮಗಳನ್ನು, ಕನ್ನಡ ಚಟುವಟಿಕೆಗಳನ್ನು ನಿರಂತರವಾಗಿ ನಡೆಸಲು ಉದ್ದೇಶಿಸಲಾಗಿದೆ. ಈ ಸಂಘದಲ್ಲಿರುವ ಪದಾಧಿಕಾರಿಗಳು ಸ್ವಯಂ ಪ್ರೇರಿತವಾಗಿ ಕನ್ನಡ ಕೃಷಿಯಲ್ಲಿ ತೊಡಗಿರುತ್ತಾರೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಕನ್ನಡ ರಾಜ್ಯೋತ್ಸವವನ್ನು ವಿಜೃಂಭಣೆಯಿಂದ ಆರಂಭಿಸಲು ನಿರ್ಧರಿಸಲಾಗಿದೆ. ಇದಲ್ಲದೇ ಇನ್ನೂ ಹಲವಾರು ಕನ್ನಡ ಪರ ಚಟುವಟಿಕೆಗಳನ್ನು ಕೈಗೊಳ್ಳಲು ನಿರ್ಧರಿಸಲಾಗಿದೆ ಎಂದು ಎಂದು ಪದಾಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಸ್ಕಾಟ್‌ಲ್ಯಾಂಡ್‌ ಕನ್ನಡ ಸಂಘ ಪದಾಧಿಕಾರಿಗಳ ಪಟ್ಟಿ

ಆಶಾ ಭಾರದ್ವಾಜ್‌, ಚಿದಾನಂದ ರೆಡ್ಡಿ, ಧೀರಜ್‌ ಮಲ್ಲಪ್ಪ, ಗಿರೀಶ್‌ ಭಾರದ್ವಾಜ್‌, ಹರೀಶ್‌ ನಾಪಪ್ಪ, ಜಗದೀಶ್‌ ಹಿರೇಮಠ್‌, ಕಾಮತ್‌ ರಾಘವೇಂದ್ರ, ಪವನ ಕುಮಾರ್‌, ಪ್ರಸಾದ್‌ ಸಾಲ್ವದಗಿ, ರಾಧಾಕೃಷ್ಣ ಗಿನ್ನೆಗೌಡ, ಶಿರಿಶ್‌ ಕಾಂತರಾಜ್‌, ಶ್ರುತಿ ಅರವಿಂದ್, ಸಿದ್ಧಾರ್ಥ್‌ ಕಶ್ಯಪ್‌, ಸೌಮ್ಯಾ ಪ್ರಸಾದ್‌, ವಿಮಲ್‌ ಡಿ ಸೋಜಾ