ಒಕ್ಕಲಿಗರ ಪರಿಷತ್ ಯು.ಕೆ. ವತಿಯಿಂದ ಪ್ರೊ. ಕೃಷ್ಣೇಗೌಡರೊಂದಿಗೆ ಯುಗಾದಿ ಸಂಭ್ರಮ ಏಪ್ರಿಲ್ 17ಕ್ಕೆ

ಲಂಡನ್‌: ನೋವು, ನಲಿವು, ಸಿಹಿ, ಕಹಿಯ ಮಿಶ್ರಣವಾಗಿದ್ದ ಶ್ರೀ ಶಾರ್ವರಿ ಸಂವತ್ಸರ ಮುಗಿದು ನೂತನವಾದ ಪ್ಲವನಾಮ ಸಂವತ್ಸರದ ಆಗಮನಕ್ಕೆ ಇನ್ನೇನು ದಿನಗಣನೆ ಆರಂಭವಾಗಿದೆ. ಹೊಸತನ್ನು ಹೊತ್ತು ಯುಗಾದಿ ಬರುತ್ತಿದೆ. ಏಪ್ರಿಲ್ 13ಕ್ಕೆ ಹೊಸ ಸಂವತ್ಸರ ಅಂದರೆ ಶ್ರೀ ಪ್ಲವ ನಾಮ ಸಂವತ್ಸರದ ಆರಂಭ, ಭಾರತದಲ್ಲಿ ಹಿಂದುಗಳಿಗೆ ಹೊಸ ವರ್ಷ ಎಂದರೆ ಅದು ಯುಗಾದಿ.

ಈ ಸುಸಂದರ್ಭದಲ್ಲಿ ‘ಒಕ್ಕಲಿಗರ ಪರಿಷತ್ ಯು.ಕೆ.’ ಸಂಸ್ಥೆಯವರು ಕನ್ನಡದ ಸುಪ್ರಸಿದ್ದ ವಾಗ್ಮಿಗಳು, ಕನ್ನಡಿಗರ ಹೆಮ್ಮೆಯ ಪ್ರೊ. ಕೃಷ್ಣೇಗೌಡರೊಂದಿಗೆ 'ಯುಗಾದಿ ಸಂಭ್ರಮ' ಕಾರ್ಯಕ್ರಮವನ್ನು ಏಪ್ರಿಲ್ 17ರ ಸಾಯಂಕಾಲ 4 ಗಂಟೆಗೆ (ಯುಕೆ ಸಮಯ) ಏರ್ಪಡಿಸಿದ್ದಾರೆ. ಕೃಷ್ಣೇ ಗೌಡರು ಭಾಷಾ ರೂಪದಲ್ಲಿ ಬೇರೆ ಪ್ರಪಂಚ ಕ್ಕೆ ಕರೆದೊಯ್ಯುತ್ತಾರೆ ಅನ್ನೋದು ಎಲ್ಲರಿಗು ತಿಳಿದಿರುವ ವಿಷಯ. ಅವರು ಭಾಷೆಯಲ್ಲಿ ಹೊಂದಿಕೊಂಡ ಪರಿಯೇ ಸೊಗಸು ಮತ್ತು ಮೆರುಗು, ನಮ್ಮ ಕನ್ನಡದ ಹೆಮ್ಮೆ ಪ್ರೋ.ಕೃಷ್ಣೆಗೌಡ್ರು.

ಕರ್ನಾಟಕ ಸಂಘ ಕತಾರ್ ವತಿಯಿಂದ ವಾರ್ಷಿಕ ರಕ್ತದಾನ ಶಿಬಿರ
ವಿಪಿಯುಕೆ ಯುಗಾದಿ ಸಂಭ್ರಮ ಕಾರ್ಯಕ್ರಮವು ಜೂಮ್ನಲ್ಲಿ ಹಾಗು ಫೇಸ್ಬುಕ್ ನಲ್ಲಿ ನೇರ ಪ್ರಸಾರವಾಗಲಿದೆ.

ಆನ್ಲೈನ್ ಕಾರ್ಯಕ್ರಮ ಆದುದರಿಂದ ‘ಒಕ್ಕಲಿಗರ ಪರಿಷತ್ ಯು.ಕೆ ತಂಡವು’ ಯುನೈಟೆಡ್ ಕಿಂಗ್ಡಮ್ ಜನರನ್ನು ಒಳಗೊಂಡು ಪ್ರಪಂಚದಲ್ಲಿರುವ ಸಮಸ್ತರಿಗೂ ಈ ಮೂಲಕ ಆಮಂತ್ರಣ ಕೊಟ್ಟಿರುತ್ತಾರೆ. ದಯವಿಟ್ಟು ಎಲ್ಲರು ಸೇರಿಕೊಂಡು ಕಾರ್ಯಕ್ರಮವನ್ನು ಯಶಸ್ಸು ಗಳಿಸಬೇಕೆಂದು ಈ ಮೂಲಕ ಕೋರಿಕೊಂಡಿರುತ್ತಾರೆ. ಕಾರ್ಯಕ್ರಮ್ಮಕ್ಕೆ ನೊಂದಾಯಿಸಲು ಇಚ್ಛಿಸುವವರು ಲಿಂಕ್ ಭರ್ತಿ ಮಾಡಿ www.tinyurl.com/VPUK-UGADI . ಹೆಚ್ಚಿನ ಮಾಹಿತಿಗೆ VPUK ಫೇಸ್ಬುಕ್ www.facebook.com/NammaVPUK ಅಥವಾ nammavpuk@gmail.com ಗೆ ಮೆಸೇಜ್ ಕಳಿಸಬಹುದು.