ಕ್ರಿಕೆಟ್ ಬೆಟ್ಟಿಂಗ್: ಒಬ್ಬನ ಬಂಧನ

ಹಟ್ಟಿಚಿನ್ನದಗಣಿ (ರಾಯಚೂರು); ಟ್ವೆಂಟಿ-20 ಕ್ರಿಕೆಟ್ ಬೆಟ್ಟಿಂಗ್‌ನಲ್ಲಿ ತೊಡಗಿದ್ದ ಆರೋಪ ಆಧರಿಸಿ, ಬುಕ್ಕಿಯೊಬ್ಬನನ್ನು ಡಿವೈಎಸ್ಪಿ ಎಂ.ಪಾಷಾ ನೇತತ್ವದ ತಂಡ, ಗುರುವಾರ ರಾತ್ರಿ ಬಂಧಿಸಿದೆ.

ಸ್ಥಳೀಯ ನಿವಾಸಿ ಚಂದ್ರಶೇಖರ್ (30)ಬಂಧಿತ. ಈ ಕಾರ್ಯಾಚರಣೆಯಲ್ಲಿ ಸಿಪಿಐ ವೀರಭದ್ರಯ್ಯ ಹಿರೇಮಠ, ಹಟ್ಟಿ ಪಿಎಸ್‌ಐ ವಿಜಯಕುಮಾರ ಮತ್ತು ಸಿಬ್ಬಂದಿ ಇದ್ದರು. ಬಂಧಿತನಿಂದ 28 ಸಾವಿರ ರೂ., ಮೊಬೈಲ್ ಅನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಬೆಟ್ಟಿಂಗ್‌ಗೆ ಸಹಕರಿಸುತ್ತಿದ್ದರು ಎನ್ನಲಾದ ಮುದಗಲ್ ಮೂಲದ ರಾಜಸಾಬ್ ಹಾಗೂ ಕಲುಬುರುಗಿಯ ಲೋಕೇಶ ವಿರುದ್ಧವೂ ಸ್ಥಳೀಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಅವರಿಬ್ಬರು ತಲೆಮರೆಸಿಕೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.