ಗುಂಪು ಘರ್ಷಣೆ: ಮತ್ತಿಬ್ಬರ ಬಂಧನ

ರಾಯಚೂರು; ನಗರದಲ್ಲಿ ಮೇ 13ರಂದು ಬೈಕ್ ಅಪಘಾತ ವೇಳೆ, ಬೈಕ್ ಸವಾರರ ಮೇಲೆ ನಡೆದ ಹಲ್ಲೆ ಹಾಗೂ ಗುಂಪು ಘರ್ಷಣೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮತ್ತಿಬ್ಬರು ಆರೋಪಿಗಳನ್ನು ಪೊಲೀಸರು ಮಂಗಳವಾರ ಬಂಧಿಸಿದ್ದಾರೆ. ಬಂಧಿತರ ಸಂಖ್ಯೆ ಆರಕ್ಕೆ ಏರಿದೆ.

ರಾಕೇಶ್ ಹಾಗೂ ನರಸಪ್ಪ ಬಂಧಿತರು. ಕೆಲವು ದಿನಗಳ ಹಿಂದೆಯಷ್ಟೇ ಪ್ರಮುಖ ಆರೋಪಿಗಳಾದ ಮುರಳಿ ಯಾದವ್, ರಮೇಶ್, ವೀರೇಶ್ ಹಾಗೂ ಶ್ರೀಕಾಂತ್ ಅವರನ್ನು ಬಂಧಿಸಲಾಗಿತ್ತು. ಇದೇ ಪ್ರಕರಣದಲ್ಲಿ ಭಾಗಿಯಾಗಿದ್ದಾರೆ ಎನ್ನಲಾದ ಇತರ ಆರೋಪಿಗಳ ಪತ್ತೆಗೂ ಪೊಲೀಸರು ಜಾಲಬೀಸಿದ್ದಾರೆ.