ದೇವದುರ್ಗ : ಸರಕಾರಿ ಸ್ವಾಮ್ಯದ ಬ್ಯಾಂಕ್‌ಗಳ ಖಾಸಗೀಕರಣ ಪ್ರಯತ್ನ ವಿರೋಧಿಸಿ 9 ಕಾರ್ಮಿಕ ಸಂಘಗಳ ಆಶ್ರಯದಲ್ಲಿ ದೇಶಾದ್ಯಂತ ಕರೆ ನೀಡಿದ್ದ ಬಂದ್‌ಗೆ ಬೆಂಬಲಿಸಿ ನಗರದಲ್ಲಿ ಮಂಗಳವಾರ ಬ್ಯಾಂಕ್‌ಗಳನ್ನು ಬಂದ್‌ ಮಾಡಿ ನೌಕರರು ಒಂದು ದಿನದ ಸಾಂಕೇತಿಕ ಮುಷ್ಕರ ನಡೆಸಿದರು.
ಬ್ಯಾಂಕ್‌ ಹಾಗೂ ಎಟಿಎಂಗಳು ಬಂದ್‌ ಆಗಿದ್ದರಿಂದ ಜನರು ಹಣಕಾಸಿನ ವ್ಯವಹಾರಕ್ಕಾಗಿ ಇನ್ನಿಲ್ಲದ ಸಂಕಷ್ಟ ಎದುರಿಸಬೇಕಾಯಿತು. ಬಂದ್‌ ಬಗ್ಗೆ ಗೊತ್ತಿಲ್ಲದ ಕೆಲ ಗ್ರಾಹಕರು ಬ್ಯಾಂಕ್‌ಗೆ ಬಂದು ಬಾಗಿಲು ಮುಚ್ಚಿರುವುದನ್ನು ಕಂಡು ವಾಪಸ್‌ ನಡೆದರು. ಬ್ಯಾಂಕ್‌ ಬಂದ್‌ ಆಗಿದ್ದರಿಂದ ಮಾರುಕಟ್ಟೆಯಲ್ಲಿ ವ್ಯಾಪಾರ, ವಹಿವಾಟಿಗೆ ಸಮಸ್ಯೆಯಾಯಿತು. ಬಹಳಷ್ಟು ಜನರು ಎಟಿಎಂಗಳಿಗೆ ಹಣ ವಿತ್‌ ಡ್ರಾ ಮಾಡಲು ಎಡತಾಕಿದರೂ, ಖಾಲಿಯಾಗಿದ್ದರಿಂದ ಪರದಾಡುವಂತಾಯಿತು.