ರಾಯಚೂರು: ವಿದ್ಯುತ್ ತಂತಿ ತಗುಲಿ ಅಪ್ಪ, ಮಗ ಸ್ಥಳದಲ್ಲೇ ದಾರುಣ ಸಾವು!

ರಾಯಚೂರು: ಮನೆಗೆ ಆಸರೆಯಾಗಿದ್ದ ತಂದೆ, ಭವಿಷ್ಯದ ಆಸರೆಯಾಗಿ ಮಗ ವಿದ್ಯುತ್ ತಂತಿ ತಗುಲಿ ದಾರುಣವಾಗಿ ಸಾವನಪ್ಪಿರುವ ಘಟನೆ ರಾಯಚೂರು ತಾಲೂಕಿನ ದಿನ್ನಿ ಗ್ರಾಮದಲ್ಲಿ ನಡೆದಿದೆ. ತಂದೆ ಮಹೇಶ ಆನಂದಪ್ಪ(46), ಮಗ ವಿನೋದ್ ಮಹೇಶ್(16) ಮೃತಪಟ್ಟವರು. ಮನೆಯಲ್ಲಿ ವಿದ್ಯುತ್ ಸಮಸ್ಯೆ ಉಂಟಾಗಿದ್ದರಿಂದ ಕಳೆದ ರಾತ್ರಿ ತಂದೆ, ಮಗ ಏನಾಗಿದೆ ಎಂದು ನೋಡಲು ತೆರಳಿದ್ದಾರೆ.

ಈ ವೇಳೆ ಕೆಳಗಡೆ ಬಿದ್ದಿದ್ದ ವಿದ್ಯುತ್ ತುಳಿದು ಸಂಪರ್ಕವಾಗಿ ಇಬ್ಬರು ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದಾರೆ. ಯರಗೇರಾ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ. ಮಳೆಗಾಲದಲ್ಲಿ ಇಂತಹ ಅವಘಡಗಳು ಸಂಭವಿಸುವುದರಿಂದ ಜಿಲ್ಲಾಡಳಿತ ಕೂಡ ಮಾಹಿತಿ ನೀಡುತ್ತಿರುತ್ತವೆ. ಎಚ್ಚರಿಕೆಯಿಂದ ಇರುವಂತೆ ತಿಳಿಸುತ್ತವೆ.

ಇನ್ನು ಇಬರಿಬ್ಬರ ಸಾವಿನಿಂದಾಗಿ ಇಡೀ ಗ್ರಾಮವೇ ನೀರಾವ ಮೌನಕ್ಕೆ ಜಾರಿದೆ. ತಂದೆ ಹಾಗೂ ಮಗನ ಸಾವಿನಿಂದ ಕುಟುಂಬಸ್ಥರು ಕೂಡ ಕಣ್ಣೀರಿನ ಕೋಡಿಯಲ್ಲಿ ಮುಳುಗಿದ್ದಾರೆ.