ಜಿಲ್ಲೆಯ ವಿವಿಧೆಡೆ ಮಳೆ: ತಲೇಖಾನ್‌ನಲ್ಲಿ 50.2ಮಿ.ಮೀ ಮಳೆ

ರಾಯಚೂರು : ಜಿಲ್ಲೆಯ ನಾನಾಕಡೆ ಮಂಗಳವಾರ ಮಧ್ಯಾಹ್ನ ಮಳೆ ಸುರಿದಿದ್ದು, ರೈತರಲ್ಲಿ ಹರ್ಷ ಉಂಟು ಮಾಡಿದೆ. ತಡವಾಗಿ ಆರಂಭಗೊಂಡ ಮುಂಗಾರು ಹಲವೆಡೆ ಅವಾಂತರ ಸೃಷ್ಟಿಸಿದ್ದು, ಲಿಂಗಸುಗೂರು ತಾಲೂಕಿನ ತಲೇಖಾನ್‌ನಲ್ಲಿ 50.2ಮಿ.ಮೀ ಮಳೆಯಾಗಿದೆ.

ಮಳೆಯ ಪ್ರಮಾಣ: ರಾಯಚೂರು ನಗರದಲ್ಲಿ 14ಮಿ.ಮೀ, ತಾಲೂಕಿನ ಯರಮರಸ್‌ನಲ್ಲಿ 10.2ಮಿ.ಮೀ, ಚಂದ್ರಬಂಡಾದಲ್ಲಿ 38.1ಮಿ.ಮೀ, ಜೇಗರಕಲ್‌ನಲ್ಲಿ 5.4ಮಿ.ಮೀ, ಕಲ್ಮಲಾದಲ್ಲಿ 22ಮಿ.ಮೀ, ಯರಗೇರಾದಲ್ಲಿ 9ಮಿ.ಮೀ, ಗಿಲ್ಲೇಸೂಗೂರಿನಲ್ಲಿ 6.5ಮಿ.ಮೀ, ಲಿಂಗಸ್ಗೂರು ಪಟ್ಟಣದಲ್ಲಿ 28ಮಿ.ಮೀ, ತಾಲೂಕಿನ ಗುರಗುಂಟಾದಲ್ಲಿ 11ಮಿ.ಮೀ, ಮುದ್ಗಲ್‌ನಲ್ಲಿ 23.6ಮಿ.ಮೀ, ಮಸ್ಕಿಯಲ್ಲಿ 29.8 ಮಿ.ಮೀ, ತಲೇಖಾನ್‌ನಲ್ಲಿ 50.2ಮಿ.ಮೀ ಹಾಗೂ ಹಟ್ಟಿಯಲ್ಲಿ 10ಮಿ.ಮೀ ಮಳೆ ದಾಖಲಾಗಿದೆ.

ಮಾನ್ವಿ: ಅದೇ ರೀತಿ ಮಾನ್ವಿ ಪಟ್ಟಣದಲ್ಲಿ 45ಮಿ.ಮೀ, ಕುರ್ಡಿಯಲ್ಲಿ 5.4ಮಿ.ಮೀ, ಪಾಮನಕಲ್ಲೂರಿನಲ್ಲಿ 5.2ಮಿ.ಮೀ, ಕವಿತಾಳದಲ್ಲಿ 21.3ಮಿ.ಮೀ, ಕುರಕುಂದಾದಲ್ಲಿ 22ಮಿ.ಮೀ, ಮಲ್ಲಟದಲ್ಲಿ 23ಮಿ.ಮೀ, ಕಲ್ಲೂರಿನಲ್ಲಿ 14.2ಮಿ.ಮೀ, ರಾಜಲಬಂಡಾದಲ್ಲಿ 8ಮಿ.ಮೀ ಮಳೆ ಸುರಿದಿದೆ.

ಸಿಂಧನೂರು: ಪಟ್ಟಣದಲ್ಲಿ 17.8ಮಿ.ಮೀ, ತಾಲೂಕಿನ ಗುಂಜಳ್ಳಿಯಲ್ಲಿ 16.3ಮಿ.ಮೀ, ಸಾಲಗುಂದಾದಲ್ಲಿ 24.4ಮಿ.ಮೀ, ಗುಡದೂರಿನಲ್ಲಿ 26.2ಮಿ.ಮೀ, ಬಾದರ್ಲಿಯಲ್ಲಿ 31.4ಮಿ.ಮೀ, ಬಳಗಾನೂರಿನಲ್ಲಿ 22ಮಿ.ಮೀ, ತುರ್ವಿಹಾಳದಲ್ಲಿ 17.4ಮಿ.ಮೀ, ಕುನಟಗಿಯಲ್ಲಿ 33.2ಮಿ.ಮೀ, ಹೆಡಗಿನಾಳದಲ್ಲಿ 10.4ಮಿ.ಮೀ, ಗೊರೇಬಾಳದಲ್ಲಿ 30ಮಿ.ಮೀ, ವಲ್ಕಂದಿನ್ನಿಯಲ್ಲಿ 13.6ಮಿ.ಮೀ ಮಳೆ ದಾಖಲಾಗಿದೆ.

ದೇವದುರ್ಗ: ಪಟ್ಟಣದಲ್ಲಿ 42ಮಿ.ಮೀ, ತಾಲೂಕಿನ ಅರಕೇರಾದಲ್ಲಿ 17.4ಮಿ.ಮೀ, ಗಬ್ಬೂರಿನಲ್ಲಿ 11.3ಮಿ.ಮೀ, ಜಾಲಹಳ್ಳಿಯಲ್ಲಿ 12.4ಮಿ.ಮೀ, ಗಲಗದಲ್ಲಿ 34.2ಮಿ.ಮೀ ಮಳೆಯಾಗಿದೆ.