ಐಸ್‌ಕ್ರೀಂ ತಿಂದ 6 ಮಕ್ಕಳು ಅಸ್ವಸ್ಥ

ರಾಯಚೂರು: ತೆಲಂಗಾಣ ಮೂಲದ ಕಂಪನಿಯ ಐಸ್‌ ಕ್ರೀಂ ತಿಂದ 6 ಮಕ್ಕಳು ಅಸ್ವಸ್ಥಗೊಂಡ ಘಟನೆ ಭಾನುವಾರ ತಾಲೂಕಿನ ಸಿಂಗನೋಡಿಯಲ್ಲಿನಡೆದಿದೆ.

ತೆಲಂಗಾಣದ ಜುಲೈಕಲ್‌ ಎಂಬ ಗ್ರಾಮದ ಆಂಜನೇಯ ಎನ್ನುವಾತ ಬೈಕ್‌ನಲ್ಲಿಐಸ್‌ ಕ್ರೀಂ ತಂದು ಗ್ರಾಮದಲ್ಲಿಮಾರಾಟ ಮಾಡಿದ್ದ. ಮ್ಯಾಂಗೋ ಬಾರ್‌ ಹೆಸರಿನ ಎಕ್ಸ್‌ಪೈರಿ ಡೇಟ್‌ ಮುದ್ರಣ ಇಲ್ಲದ ಐಸ್‌ ಕ್ರೀಂ ಮಕ್ಕಳು ತಿಂದಿದ್ದು, ದಿಢೀರ್‌ ಅಸ್ವಸ್ಥಗೊಂಡಿದ್ದಾರೆ. ಮಕ್ಕಳನ್ನು ಚಿಕಿತ್ಸೆಗಾಗಿ ರಾಯಚೂರಿನ ರಿಮ್ಸ… ಆಸ್ಪತ್ರೆಗೆ ದಾಖಲಿಸಲಾಗಿದೆ. ಯಾಪಲದಿನ್ನಿ ಪೊಲೀಸ್‌ ಠಾಣೆ ವ್ಯಾಪ್ತಿಯಲ್ಲಿಘಟನೆ ನಡೆದಿದೆ.