ಆಸ್ಪತ್ರೆಯ ಲಿಫ್ಟ್‌ನಲ್ಲಿ ಎರಡು ಗಂಟೆ ಸಿಕ್ಕಿ ಹಾಕಿಕೊಂಡ ನವಜಾತ ಶಿಶು

ರಾಯಚೂರು: ಇಲ್ಲಿನ ರಿಮ್ಸ್ ಆಸ್ಪತ್ರೆಯ ಲಿಫ್ಟ್ ನಲ್ಲಿ ನವಜಾತ ಶಿಶುವೊಂದು ಎರಡು ಗಂಟೆ ಸಿಕ್ಕಿಹಾಕಿಕೊಂಡು ಆತಂಕ ಸೃಷ್ಟಿಯಾಗಿತ್ತು. ತಡರಾತ್ರಿ ಘಟನೆ ನಡೆದಿದೆ.

ಮಾನವಿ ತಾಲೂಕಿನ ಕುರ್ಡಿ ಗ್ರಾಮದ ನರಸಪ್ಪ ಮತ್ತು ನರಸಮ್ಮ ದಂಪತಿ ಅವರ ಗಂಡು ಮಗುವನ್ನು ಐಸಿಯುನಲ್ಲಿ ಇರಿಸಲು ಸಿಬ್ಬಂದಿ ಜತೆ ಕೊಂಡೊಯ್ಯುವಾಗ ಲಿಫ್ಟ್‌ ಸ್ಥಗಿತಗೊಂಡಿದೆ. ಆಸ್ಪತ್ರೆಯ ತಾಂತ್ರಿಕ ಸಿಬ್ಬಂದಿ ಲಿಫ್ಟ್ ದುರಸ್ತಿ ಮಗುವನ್ನು ರಕ್ಷಿಸಿದ್ದಾರೆ.

ರೋಗಿ ಮೇಲೆ ಹಲ್ಲೆ

ಆಸ್ಪತ್ರೆಯಲ್ಲಿ ಸಾಲಿನಲ್ಲಿ ನಿಲ್ಲದಿದ್ದಕ್ಕೆ ಹೋಂಗಾರ್ಡ್‌ವೊಬ್ಬರು ರೋಗಿಯ ಮೇಲೆ ಹಲ್ಲೆ ನಡೆಸಿದ್ದಾರೆ. ಹೋಂಗಾರ್ಡ್‌ ಸಿಬ್ಬಂದಿ ರಾಜಶೇಖರ ಎಂಬವರು ಅವಾಚ್ಯ ಶಬ್ದಗಳಿಂದ ನಿಂದಿಸಿ ನಜೀರ್‌ ಅಹಮ್ಮದ್ ಎನ್ನುವವರ ಮೇಲೆ ಹಲ್ಲೆ ನಡೆಸಿದ್ದಾರೆ. ಆಸ್ಪತ್ರೆಯ ಡೀನ್ ಡಾ. ಬಸವರಾಜ್ ಪೀರಾಪೂರ್ ಆರೋಪಿಯನ್ನು ಕೆಲಸದಿಂದ ಬಿಡುಗಡೆಗೊಳಿಸುವಂತೆ ಸೂಚಿಸಿದ್ದಾರೆ.