ಸುಟ್ಟ ಸ್ಥಿತಿಯಲ್ಲಿ ಹಳೆಯ 500, 1000 ರೂ. ನೋಟು ಪತ್ತೆ

ರಾಯಚೂರು: ನಗರದ ಎಪಿಎಂಸಿ ಆವರಣದಲ್ಲಿನ ಕಸದ ರಾಶಿಯಲ್ಲಿ ನಿಷೇಧಿತ 1000 ರೂ., 500 ರೂ. ಮುಖಬೆಲೆಯ ನೋಟುಗಳು ಅರೆಬರೆ ಸುಟ್ಟ ಸ್ಥಿತಿಯಲ್ಲಿ ಮಂಗಳವಾರ ಪತ್ತೆಯಾಗಿವೆ.

ಎಪಿಎಂಸಿ ಆವರಣಕ್ಕೆ ಹೊಂದಿಕೊಂಡಂತಿರುವ ಮದ್ಯ ಮಾರಾಟ ಮಳಿಗೆಯವರು ಮದ್ಯದ ಬಾಟಲು ಮತ್ತಿತರೆ ಕಸಕ್ಕೆ ಬೆಂಕಿ ಹಚ್ಚಿದ್ದು ಈ ವೇಳೆ ಅರೆಬರೆ ಸುಟ್ಟ ನೋಟುಗಳು ಸುಟ್ಟ ಸ್ಥಿತಿಯಲ್ಲಿ ಪೊಲೀಸರಿಗೆ ಸಿಕ್ಕಿವೆ.

ಪೊಲೀಸರು 1000 ರೂ. ಮುಖಬೆಲೆ ಹಾಗೂ 500 ರೂ. ಮುಖಬೆಲೆಯ ನಿಷೇಧಿತ ಹಳೆಯ ತಲಾ ನಾಲ್ಕು ನೋಟು ಹಾಗೂ ಸದ್ಯ ಚಾಲ್ತಿಯಲ್ಲಿರುವ 100 ರೂ. ಮತ್ತು10 ರೂ. ಗಳ ತಲಾ ಎರಡು ನೋಟು ವಶಕ್ಕೆ ಪಡೆದಿದ್ದಾರೆ. ಮಾರ್ಕೆಟ್ ಯಾರ್ಡ್‌ ಠಾಣೆ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.