ಹಾರೋಬೂದಿ ಸಾಗಾಟಕ್ಕೆ ತಡೆ

ರಾಯಚೂರು: ಆರ್‌ಟಿಪಿಎಸ್‌ ಹಾರೋಬೂದಿ ಸಾಗಾಟದಿಂದ ರಸ್ತೆಯುದ್ದಕ್ಕೂ ಇದ್ದ ನಿವಾಸಿಗಳ ಮೇಲೆ ಪರಿಣಾಮ ಬೀರುತ್ತಿದ್ದ ದೂರಿನ ಹಿನ್ನೆಲೆಯಲ್ಲಿಅಧಿಕಾರಿಗಳು ಕ್ರಮ ಕೈಗೊಂಡಿದ್ದು, ಜನರಲ್ಲಿನಿರಾಳತೆ ಮೂಡಿಸಿದೆ.

ಹಾರೋಬೂದಿಯನ್ನು ಅಸುರಕ್ಷಿತವಾಗಿ ಸಾಗಣೆ ಮಾಡುವುದಕ್ಕೆ ಸೊಮವಾರದಿಂದಲೇ ತಡೆ ನೀಡಲಾಗಿದೆ. ಯಾಶ್‌ ಪಾಂಡ್‌ ಸುತ್ತಲೂ ಹಾಗೂ ಹಾರೋಬೂದಿ ಸಾಗಿಸುವ ರಾಷ್ಟ್ರೀಯ ಹೆದ್ದಾರಿಯಲ್ಲಿಶೇಖರಣೆಯಾಗಿರುವ ಬೂದಿಯನ್ನು ಸ್ವಚ್ಛಗೊಳಿಸಲಾಗುತ್ತಿದೆ. ಜೆಸಿಬಿ ಮತ್ತು ಟ್ರಾತ್ರ್ಯಕ್ಟರ್‌ನಿಂದ ರಸ್ತೆಯಲ್ಲಿಸಂಗ್ರಹವಾದ ಬೂದಿ ತೆರವುಗೊಳಿಸುವ ಕಾರ್ಯ ಸೋಮವಾರ ಬೆಳಗ್ಗೆಯಿಂದಲೇ ಆರಂಭವಾಯಿತು. ಹೀಗಾಗಿ, ಬೂದಿ ಹೊತ್ತೊಯ್ಯಲು ಬರುತ್ತಿದ್ದ ಟಿಪ್ಪರ್‌ಗಳಿಗೆ ನೀಡುವ ಗೇಟ್‌ಪಾಸ್‌ ಸ್ಥಗಿತಗೊಳಿಸಲಾಗಿದೆ. ಈ ಬಗ್ಗೆ ಹಾರೋಬೂದಿ ಸಾಗಿಸುವ ಗುತ್ತಿಗೆದಾರರಿಗೆ ಹಾಗೂ ಬ್ರಿಕ್ಸ್‌ ಉದ್ಯಮಿಗಳಿಗೆ ಕೆಪಿಸಿಎಲ್‌ನಿಂದ ಸೂಚನೆ ನೀಡಲಾಗಿದೆ. ಹಾರೋಬೂದಿಯಿಂದ ಉಂಟಾಗಿರುವ ಸಮಸ್ಯೆ ಕುರಿತು 'ವಿಜಯ ಕರ್ನಾಟಕ' ನೆಮ್ಮದಿ ಕದಡಿದ ಬೂದಿ' ಶೀರ್ಷಿಕೆಯಡಿ ವಿಸ್ತೃತ ವರದಿ ಪ್ರಕಟಿಸಿದ್ದನ್ನು ಇಲ್ಲಿಸ್ಮರಿಸಬಹುದು.