ದಾರಿ ಮಧ್ಯೆ ನಿಲ್ಲಿಸಿದಾಗ ಬೈಕ್‌ ಉರಿದು ಭಸ್ಮ

ರಾಯಚೂರು: ಮರ್ಚಟಹಾಳ್ ಗ್ರಾಮದಲ್ಲಿ ಚಲಾಯಿಸುತ್ತಿದ್ದ ಬೈಕ್‌ ಅನ್ನು ದಾರಿ ಮಧ್ಯೆ ನಿಲ್ಲಿಸಿದಾಗ ಬೆಂಕಿ ಹೊತ್ತಿಕೊಂಡು ಉರಿದು ಭಸ್ಮವಾಗಿದೆ.

ಶಂಕರಲಿಂಗ ಎಂಬವರು ಬೈಕ್‌ನಲ್ಲಿ ಚಿಕ್ಕಪ್ಪನನ್ನು ರಾಯಚೂರಿನ ರೈಲ್ವೆ ಸ್ಟೇಷನ್‌ನಿಂದ ಊರಿಗೆ ಕರೆತರುತ್ತಿದ್ದರು. ಊರು ಒಂದು ಕಿ.ಮೀ ದೂರ ಇರುವಾಗ ದಾರಿ ಮಧ್ಯೆ ಬೈಕ್‌ ನಿಲ್ಲಿಸಿದ್ದಾರೆ. ಆಗ ಬೈಕ್‌ಗೆ ಬೆಂಕಿ ಹೊತ್ತಿಕೊಂಡಿದೆ.

ನಂದಿಸಲು ಪ್ರಯತ್ನಿಸಿದರೂ ಸಾಧ್ಯವಾಗಲಿಲ್ಲ, ನೋಡ ನೋಡುತ್ತಿದ್ದಂತೆ ಬೈಕ್‌ ಭಸ್ಮವಾಗಿ ಹೋಗಿದೆ.