ಬಾಲ್ಯ ವಿವಾಹ ತಡೆದ ಅಧಿಕಾರಿಗಳು

ಲಿಂಗಸುಗೂರು (ರಾಯಚೂರು) : ತಾಲೂಕಿನ ಜಲದುರ್ಗ ಗ್ರಾಮದಲ್ಲಿ ಶುಕ್ರವಾರ ನಡೆಯಲಿದ್ದ ಬಾಲ್ಯ ವಿವಾಹ ತಡೆಯುವಲ್ಲಿ ಅಧಿಕಾರಿಗಳು ಯಶಸ್ವಿಯಾಗಿದ್ದಾರೆ.

ಬಾಲ್ಯ ವಿವಾಹ ಕುರಿತು ಸಿಕ್ಕ ಮಾಹಿತಿ ಆಧರಿಸಿ, ಸಿಡಿಪಿಒ ಪ್ರೇಮಮೂರ್ತಿ ಹಾಗೂ ಪೋಲಿಸರು ಗ್ರಾಮಕ್ಕೆ ಭೇಟಿನೀಡಿದ್ದರು. ತಾಲೂಕಿನ ಗೊರೇಬಾಳ ತಾಂಡಾ-2ರ 18 ವರ್ಷದ ಯುವಕನ ಜತೆ 13ವಯಸ್ಸಿನ ಅಪ್ರಾಪ್ತೆಯ ಮದುವೆ ಮಾಡಲು ಪಾಲಕರು ನಿಶ್ಚಯಿಸಿದ್ದರು. ಇಬ್ಬರೂ ಅಪ್ರಾಪ್ತರಾಗಿದ್ದು, ಕಾನೂನಿಗೆ ವಿರುದ್ಧವಾಗಿದೆ. ವಿವಾಹ ಮಾಡದಂತೆ ಉಭಯ ಮಕ್ಕಳ ಪಾಲಕರಿಗೆ ಅಧಿಕಾರಿಗಳು ತಾಕೀತುಮಾಡಿದರು. ಬಾಲಕಿಯನ್ನು ರಾಯಚೂರಿನ ಮಕ್ಕಳ ಕಲ್ಯಾಣ ಸಮಿತಿಗೆ ಕಳುಹಿಸಲಾಗಿದೆ ಎಂದು ಸಿಡಿಪಿಒ ತಿಳಿಸಿದ್ದಾರೆ.