ಸಸಿಗಳ ರಕ್ಷಣೆಗೆ ಬಣ್ಣದ ಕಾಂಪೌಂಡ್‌

ಸಿಂಧನೂರು : ನಗರದ ತಹಸಿಲ್‌ ಕಚೇರಿ ಆವರಣದಲ್ಲಿ ಆ.15ರಂದು ಸ್ವಾತಂತ್ರ್ಯ ದಿನ ಆಚರಿಸಲು ಭರದ ಸಿದ್ಧತೆ ನಡೆದಿದ್ದು, ಈ ಬಾರಿ ವಿಶೇಷವಾಗಿ ಕಟ್ಟಿಗೆಯ ಕಾಂಪೌಂಡ್‌ ಅಳವಡಿಸಿರುವುದು ಎಲ್ಲರ ಗಮನಸೆಳೆಯುತ್ತಿದೆ.

ಪ್ರಭಾರ ತಹಸೀಲ್ದಾರ್‌ ಸಂತೋಷ ಅವರು, ಕಳೆದ ಒಂದು ತಿಂಗಳಿಂದ ಕಚೇರಿ ಮೈದಾನದಲ್ಲಿ ಸಸಿ ನೆಡಲು ಹೆಚ್ಚಿನ ಮುತುವರ್ಜಿ ವಹಿಸಿದ್ದಾರೆ. ಇದರ ಮುಂದುವರಿದ ಭಾಗವಾಗಿ ಬೈಕ್‌ ನಿಲುಗಡೆಯಿಂದ ಸಮಸ್ಯೆಯಾಗಿದ್ದ ಸ್ಥಳದಲ್ಲಿ ಸಸಿಗಳನ್ನು ರಕ್ಷಿಸಲು ಕಟ್ಟಿಗೆಯ ಕಾಂಪೌಂಡ್‌ ಅಳವಡಿಸಲಾಗಿದೆ. ಈ ಕಾಂಪೌಂಡ್‌ಗೆ ತ್ರಿವರ್ಣ ಧ್ವಜದ ಬಣ್ಣ ಬಳಿದಿದ್ದು, ಸುಂದರವಾಗಿ ಕಾಣುತ್ತಿದೆ.