ಕರ್ತವ್ಯ ಲೋಪ: ಜೆಇ ಅಮಾನತು

ರಾಯಚೂರು: ನಗರಕ್ಕೆ ಕುಡಿಯುವ ನೀರೊದಗಿಸುವ ಚಿಕ್ಕಸೂಗೂರು ನೀರು ಶುದ್ಧೀಕರಣ ಘಟಕ ನಿರ್ವಹಣೆಯಲ್ಲಿ ಕರ್ತವ್ಯಲೋಪ ಎಸಗಿದ ಆರೋಪ ಆಧರಿಸಿ ನಗರಸಭೆಯ ಜೆಇ ಹಸನ್ ಅವರನ್ನು ಡಿಸಿ ಸಸಿಕಾಂತ್ ಸೆಂಥಿಲ್, ಸೋಮವಾರ ಅಮಾನತುಗೊಳಿಸಿದ್ದಾರೆ.

ತಾಲೂಕಿನ ಚಿಕ್ಕಸೂಗೂರು ಬಳಿಯ ಕೃಷ್ಣಾ ನದಿ ನೀರು ಪೂರೈಕೆ ಘಟಕದ ನೀರೆತ್ತುವ ಪಂಪ್ ತಿಂಗಳಿಂದ ದುರಸ್ತಿಗೆ ಬಂದರೂ ಜೆಇ ಮಾಹಿತಿ ನೀಡಿರಲಿಲ್ಲ. ಡಿಸಿ, ಭಾನುವಾರ ಭೇಟಿ ವೇಳೆ ಕಲುಷಿತ ನೀರು ಪೂರೈಕೆ ಪತ್ತೆಯಾಗಿತ್ತು. ಇದೇ ವಿಚಾರಕ್ಕೆ ಸಂಬಂಧಿಸಿದಂತೆ ನಗರಸಭೆ ಪೌರಾಯುಕ್ತ ಗುರುಲಿಂಗಪ್ಪ ಅವರಿಗೆ ಕಾರಣ ಕೇಳಿ ನೋಟೀಸ್ ಜಾರಿ ಮಾಡಲಾಗಿದೆ ಎಂದು ಜಿಲ್ಲಾಡಳಿತ ಮೂಲಗಳು ತಿಳಿಸಿವೆ.