ಕಾಲುವೆ ತ್ಯಾಜ್ಯ ತೆರವಿಗೆ ಮುಂದಾದ ಇಲಾಖೆ

ಜಾಲಿಹಾಳ : ಸಮೀಪದ 36ನೇ ಉಪಕಾಲುವೆ ವ್ಯಾಪ್ತಿಯ ಸತ್ಯವತಿಕ್ಯಾಂಪಿನಿಂದ ಮೂಡಲಗಿರಿಕ್ಯಾಂಪ್‌, ಗೊರೇಬಾಳಕ್ಯಾಂಪ್‌ ಹಾಗೂ ಸಾಸಲಮರಿಕ್ಯಾಂಪ್‌ವರೆಗೆ ನೀರಾವರಿ ಇಲಾಖೆ, ಕಾಲುವೆ ತ್ಯಾಜ್ಯ ತೆರವಿಗೆ ಮುಂದಾಗಿದೆ.

'ರೈತರಿಂದಲೇ ತ್ಯಾಜ್ಯ ತೆರವು' ಎಂಬ ಸುದ್ದಿ, 'ವಿಜಯ ಕರ್ನಾಟಕ'ದಲ್ಲಿ ಜು.25 ರಂದು ಪ್ರಕಟವಾಗಿತ್ತು. ವರದಿಯಿಂದ ಎಚ್ಚೆತ್ತ ನೀರಾವರಿ ಇಲಾಖೆ ಅಧಿಕಾರಿಗಳು, ತ್ಯಾಜ್ಯ ತೆರವುಗೊಳಿಸುವಂತೆ ಸೂಚಿಸಿದ್ದಾರೆ. ಗ್ಯಾಂಗ್‌ಮನ್‌ ಹಾಗೂ ಕೂಲಿಕಾರರು, ಕಾಲುವೆಯ ಡ್ರಾಪ್‌ ಹಾಗೂ ನಾನಾ ಸೇತುವೆಗಳ ಬಳಿ ಸಂಗ್ರಹವಾಗಿದ್ದ ತ್ಯಾಜ್ಯ ತೆರವುಗೊಳಿಸಿದರು. ಆದರೆ, ತೆರವುಗೊಳಿಸದ ತ್ಯಾಜ್ಯವನ್ನು ಕಾಲುವೆ ಬದುವಿಗೆ ಹಾಕಿದ್ದು ಕಂಡುಬಂತು.