ಡಿಹೆಚ್‌ಒ, ಆಶಾ ಸಂಘದ ಪದಾಧಿಕಾರಿಗಳ ಸಭೆ

ರಾಯಚೂರು : ಆಶಾ ಕಾರ್ಯಕರ್ತೆಯರಿಗೆ ಕಳೆದ ಮೂರು ತಿಂಗಳಿಂದ ಬಾಕಿÀರುವ ರಾಜ್ಯ ಸರಕಾರದ 3500ರೂ. ನಿಗದಿತ ವೇತನವನ್ನು ವಾರಾಂತ್ಯದೊಳಗೆ ಅವರ ಖಾತೆಗೆ ಖಜಾನೆ-2 ಮೂಲಕ ಪಾವತಿಸಲಾಗುವುದು ಎಂದು ಜಿಲ್ಲಾ ಆರೋಗ್ಯಾಧಿಕಾರಿ ಭರವಸೆ ನೀಡಿದ್ದಾರೆ ಎಂದು ಆಶಾ ಕಾರ್ಯಕರ್ತೆಯರ ಸಂಘದ ಜಿಲ್ಲಾ ಕಾರ್ಯದರ್ಶಿ ಈರಮ್ಮ ಹೇಳಿದರು.

ನಗರದ ಡಿಹೆಚ್‌ಒ ಕಚೇರಿ ಸಭಾಂಗಣದಲ್ಲಿ ಇತ್ತೀಚೆಗೆ ಏರ್ಪಡಿಸಿದ್ದ ಜಿಲ್ಲಾ ಆರೋಗ್ಯಾಧಿಕಾರಿ ಹಾಗೂ ಆಶಾ ಕಾರ್ಯಕರ್ತೆಯರ ಸಂಘದ ಪದಾಧಿಕಾರಿಗಳ ಸಭೆಯಲ್ಲಿ ಬಾಕಿ ವೇತನ ಸೇರಿದಂತೆ ಇತರೆ ಸಮಸ್ಯೆಗಳ ಇತ್ಯರ್ಥಪಡಿಸುವ ಭರವಸೆ ನೀಡಿದ್ದಾರೆ ಎಂದರು.

ಈ ಸಭೆಯಲ್ಲಿ ಆಶಾ ಸಂಘದ ಜಿಲ್ಲಾಧ್ಯಕ್ಷ ವೀರೇಶ್‌ ಎನ್‌.ಎಸ್‌., ಮುಖಂಡರಾದ ಚನ್ನಬಸವ ಜಾನೇಕಲ್‌, ಚೇತನಾ ಬನಾರೆ, ವೀಣಾ, ಲಕ್ಮಿ, ಗೀತಾಲಕ್ಷ್ಮಿ, ರಾಗಮ್ಮ, ಶಹನಾಜ್‌, ಯಮುನಮ್ಮ, ಜರೀನಾ ಸೇರಿ ಇತರರಿದ್ದರು.