ಓಆರ್‌ಎಸ್‌ನಿಂದ ರೋಗ ನಿರೋಧಕ ಶಕ್ತಿ

ಕವಿತಾಳ: ಅತಿಸಾರ ಭೇದಿಯಾದಾಗ ಪ್ರತಿ ಬಾರಿಯೂ ಒಆರ್‌ಎಸ್‌ ದ್ರಾವಣ ಕುಡಿಸಬೇಕು, ಇದರಿಂದ ಅತಿಸಾರ ಭೇದಿಯ ಅವಧಿ ಹಾಗೂ ತೀವ್ರತೆಯನ್ನು ಕಡಿಮೆ ಮಾಡುತ್ತದೆ. ಅಲ್ಲದೇ ದೇಹದಲ್ಲಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಎಂದು ಕ್ಷೇತ್ರ ಆರೋಗ್ಯ ಶಿಕ್ಷ ಣಾಧಿಕಾರಿ ಬಾಲಪ್ಪ ನಾಯಕ ಹೇಳಿದರು.

ಪಟ್ಟಣ ಸಮೀಪದ ಜೀನೂರು ಗ್ರಾಮದ ಉಪ ಆರೋಗ್ಯ ಕೇಂದ್ರದಲ್ಲಿ ಸೋಮವಾರ ನಡೆದ ಒಆರ್‌ಎಸ್‌ ಮತ್ತು ಜಿಂಕ್‌ ಭೇದಿ ನಿಯಂತ್ರಣ ಪಾಕ್ಷಿಕ ಕಾರ್ಯಕ್ರಮದಲ್ಲಿ ಮಾತನಾಡಿದರು. ಹುಟ್ಟಿನಿಂದ ಐದು ವರ್ಷದೊಳಗಿನ ಮಕ್ಕಳಿರುವ ಪ್ರತಿ ಮನೆಗೆ ಆಶಾ ಕಾರ್ಯಕರ್ತೆಯರು ಭೇಟಿ ನೀಡಿ ಒಆರ್‌ಎಸ್‌ ಪೊಟ್ಟಣ ಮತ್ತು ಜಿಂಕ್‌ ಮಾತ್ರೆಗಳನ್ನು ವಿತರಣೆ ಮಾಡುತ್ತಾರೆ. ಮಗುವಿಗೆ ಅತಿಸಾರ ಭೇದಿ ಕಾಣಿಸಿಕೊಂಡ ನಂತರ ಒಆರ್‌ಎಸ್‌ ದ್ರಾವಣವನ್ನು ಶುದ್ಧ ನೀರಿನಲ್ಲಿ ಕಲಿಸಿ ಕುಡಿಸಬೇಕು. ಇದರಿಂದ ಮಗುವನ್ನು 3 ತಿಂಗಳವರೆಗೆ ಅತಿಸಾರ ಬಾರದಂತೆ ತಡೆಯಬಹುದೆಂದು ಹೇಳಿದರು.

ಆರೋಗ್ಯ ಸಹಾಯಕ ದೇವಿಂದ್ರಪ್ಪ ಮಾತನಾಡಿದರು.

ಕಿರಿಯ ಆರೋಗ್ಯ ಸಹಾಯಕಿ ಮಂಜುಳಾ ಒಆರ್‌ಎಸ್‌ ದ್ರಾವಣ ಸೇವಿಸುವ ಬಗ್ಗೆ ವಿವರಿಸಿದರು. ಗ್ರಾ.ಪಂ.ಸದಸ್ಯ ದೇವಿಂದ್ರಪ್ಪ ಸೇರಿ ಆಶಾ ಕಾರ್ಯಕರ್ತೆಯರಿದ್ದರು.