ಮಸ್ಕಿ; ಸಮೀಪದ ಗುಡದೂರು ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಹಸಮಕಲ್ ಕೆರೆಯಲ್ಲಿ ಸಂಪೂರ್ಣವಾಗಿ ನೀರು ಖಾಲಿಯಾಗಿದ್ದು ಜನರಲ್ಲಿ ಚಿಂತೆ ಮೂಡಿಸಿದೆ.
ಗುಡದೂರು ಗ್ರಾ.ಪಂ. ವ್ಯಾಪ್ತಿಗೆ ಒಳಪಡುವ ಗುಡದೂರು, ಹಸಮಕಲ್, ರಂಗಾಪೂರ, ಗೋನಾಳ, ದೀನಸಮುದ್ರ, ಮೆರನಾಳ ಗ್ರಾಮಗಳಲ್ಲಿ ನೀರಿನ ಸಮಸ್ಯೆಯಿಂದ ಜನರ ದೈನಂದಿನ ಬದುಕು ನಡೆಸುವುದು ಕಷ್ಟವಾಗಿದೆ. ಈ ಮುಂಚೆ ರಂಗಾಪೂರ ಗ್ರಾಮಕ್ಕೆ ಹಸಮಕಲ್ ಕೆರೆಯಿಂದ ಪೈಪ್ಲೈನ್ ಮಾಡಿದ್ದರೂ ಅದು ಸಂಪೂರ್ಣ ಹದಗೆಟ್ಟಿದೆ. ಪ್ರತಿ ದಿನ ವಿದ್ಯುತ್ ಇದ್ದಾಗ 2ರಿಂದ 3 ಗಂಟೆ ಮಾತ್ರ ನೀರು ಬಿಡಲಾಗುತ್ತಿದೆ. ಗ್ರಾಮಕ್ಕೆ ಸರಿಯಾಗಿ ನೀರು ತಲುಪುತ್ತಿಲ್ಲ ಎಂಬುದು ಗ್ರಾಮಸ್ಥ ಆರೋಪ.
ಕಳೆದ ಎರಡು ವರ್ಷಗಳಿಂದ ನೀರಿನ ಸಮಸ್ಯೆ ಮತ್ತಷ್ಟು ಬಿಗಡಾಯಿಸಿದೆ. ಗ್ರಾಮದಲ್ಲಿ ಕೊಳವೆಬಾವಿ ಇಲ್ಲದ ಕಾರಣ ನೀರಿನ ದಾಹ ವ್ಯಾಪಕವಾಗಿದೆ. ನೀರಿಗಾಗಿ ಮಹಿಳೆಯರು, ಮಕ್ಕಳು ಖಾಸಗಿ ವ್ಯಕ್ತಿಗಳ ತೋಟದ ಬಾವಿ, ಬೊರವೆಲ್ಗಳಲ್ಲಿ ತಾಸು ಗಟ್ಟಲೇ ಕಾದು ನಿಂತು ನೀರು ತರುತ್ತಿದ್ದಾರೆ.