ಸೌಲಭ್ಯ ಕಡಿತ ವಿರೋಧಿಸಿ ನಿರಶನ

ಹಟ್ಟಿಚಿನ್ನದಗಣಿ: ಹೊಸ ಸಂಬಳ ಒಪ್ಪಂದ ಜಾರಿಯಲ್ಲಿಆಗಿರುವ ವಿಳಂಬ ಧೋರಣೆ ಹಾಗೂ ಹಾಲಿ ಸೌಲಭ್ಯ ಕಡಿತ ವಿರೋಧಿಸಿ ಗುರುವಾರ ಬೆಳಗ್ಗೆಯಿಂದ ಶುಕ್ರವಾರದವರೆಗೆ ಕ್ಯಾಂಪ್‌ ಬಸ್‌ನಿಲ್ದಾಣದಲ್ಲಿನಿರಶನ ನಡೆಸಲಾಗುವುದು ಎಂದು ಎಐಟಿಯುಸಿಯ ಸ್ಥಳೀಯ ಘಟಕದ ಅಧ್ಯಕ್ಷ ಶಾಂತಪ್ಪ ಅನ್ವರಿ ತಿಳಿಸಿದ್ದಾರೆ.

2016ರ ಏಪ್ರಿಲ್‌ನಿಂದ ಜಾರಿಯಾಗಬೇಕಾದ ಹೊಸ ಸಂಬಳ ಒಪ್ಪಂದವು 4 ವರ್ಷ ಕಳೆದರೂ ಅನುಷ್ಠಾನ ಕಂಡಿಲ್ಲ. ಕಾರ್ಮಿಕರು ಈ ಹಿಂದೆ ಸಾಕಷ್ಟು ಹೋರಾಟ ಮಾಡಿ ಪಡೆದ ಸೌಲಭ್ಯಗಳಿಗೂ ಕತ್ತರಿ ಬೀಳುತ್ತಿದೆ. ಸೀಮೆ ಎಣ್ಣೆ ಭತ್ಯೆ, ಮನೆ ಬಾಡಿಗೆ ಭತ್ಯೆ, ಮನರಂಜನೆ ಭತ್ಯೆ, ಅಡುಗೆ ಅನಿಲದ ಭತ್ಯೆಗಳನ್ನು ಕಡಿತಮಾಡಲು ಆಡಳಿತವರ್ಗ ಮುಂದಾಗಿದ್ದನ್ನು ವಿರೋಧಿಸಿ ನಿರಶನ ನಡೆಸಲಾಗುತ್ತಿದೆ ಎಂದು ತಿಳಿಸಿದ್ದಾರೆ.