ಪೊಲೀಸ್‌ಗೆ ಚಳ್ಳೆ ಹಣ್ಣು ತಿನ್ನಿಸಿ ಲೇಡಿ ಪಿಡಿಒ ಪರಾರಿ

ರಾಯಚೂರು: ಮಹಿಳಾ ಪಿಡಿಒವೊಬ್ಬರು ಪೊಲೀಸರಿಗೆ ಚಳ್ಳೆ ಹಣ್ಣು ತಿನ್ನಿಸಿ ಪರಾರಿಯಾಗಿದ್ದಾರೆ. ಸತತ ಕಾರ್ಯಾಚರಣೆ ಬಳಿಕ ಅವರನ್ನು ಬಂಧಿಸುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ.

ಖಾತೆ ನೀಡುವ ಸಂಬಂಧ 25000 ರು. ಲಂಚ ಪಡೆದು ಮಂಗಳವಾರ ಎಸಿಬಿ ಪೋಲಿಸರ ಗೃಹ ಬಂಧನದಲ್ಲಿದ್ದ ಮಸ್ಕಿ ತಾಲೂಕಿನ ಮಲ್ದದಗುಡ್ಡ ಪಿಡಿಒ ವಸಂತ ಗೀತಾ ರಾತ್ರಿ 9 ಗಂಟೆಗೆ ಕಾವಲಿಗಿದ್ದ ಇಬ್ಬರು ಮಹಿಳಾ ಪೋಲಿಸರನ್ನು ತಳ್ಳಿ ಸಿನಿಮೀಯ ರೀತಿಯಲ್ಲಿ ಮನೆಯ ಕಂಪೌಂಡ್ ಹಾರಿ ಪರಾರಿಯಾಗಿದ್ದಾರೆ.

ಪಿಡಿಒ ಪರಾರಿಯಾದ ಸುದ್ದಿ ತಿಳಿಯುತ್ತಲೇ ಜಾಗೃತಗೊಂಡ ಎಸಿಬಿ ಡಿಎಸ್ ಪಿ ಅರುಣಕುಮಾರ ಕೋಳೂರು, ಸರ್ಕಲ್ ಇನ್ ಸ್ಪೆಕ್ಟರ್ ಶ್ರೀಧರ ದೊಡ್ಡಿ ನೇತೃತ್ವದ ತಂಡ ಮಸ್ಕಿ ಸರ್ಕಲ್ ಇನ್ ಸ್ಪೆಕ್ಟರ್ ಚನ್ನಯ್ಯ ಹಿರೇಮಠ‌ ಹಿರೇಮಠ್‌, ಸಬ್ ಇನ್ ಸ್ಪೆಕ್ಟರ್ ಅಮರೇಶ ಹುಬ್ಬಳ್ಳಿ ನೇತೃತ್ವದಲ್ಲಿ ತಂಡ ರಚಿಸಿ ಬೆಳಗಿನ ಜಾವದ ವರೆಗೆ ಶೋಧ ನಡೆಸಿ 6 ಗಂಟೆಗೆ ಮಸ್ಕಿ ತಾಲೂಕಿ‌ನ ಹಾಲಾಪುರ ಗ್ರಾಮದಲ್ಲಿ ಬಂಧಿಸಿದ್ದಾರೆ.