ರಾಯಚೂರಲ್ಲಿ ಸಿಡಿಲು ಬಡಿದು 30 ಮೇಕೆ, ಹಸು ಸಾವು

ರಾಯಚೂರು: ಗುರುವಾರ ರಾತ್ರಿ ಸಿಡಿಲು ಬಡಿದು ಜಿಲ್ಲೆಯ ಲಿಂಗಸೂಗೂರು ತಾಲೂಕಿನ ವಂದಲಿ ಹಾಗೂ ಬಗಡಿ ತಾಂಡಾದಲ್ಲಿ ಜಾನುವಾರು ಹಾಗೂ ಮೇಕೆಗಳು ಸಾವನ್ನಪ್ಪಿವೆ. ಬಾರಿ ಮಳೆ ಮತ್ತು ಸಿಡಿಲಿಗೆ ಒಂದು ಹಸು,ಒಂದು ಎಮ್ಮೆ ಹಾಗೂ 30 ಮೇಕೆಗಳು ಸಾವಿಗೀಡಾಗಿವೆ.


ಉಪ್ಪಾರ ನಂದಿಹಾಳ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಬಗಡಿ ತಾಂಡಾದಲ್ಲಿ ಗುರುವಾರ ರಾತ್ರಿ ಸಿಡಿಲು ಬಡಿದು ಈರಣ್ಣ, ನಾರಾಯಣ ಪೂಜಾರಿ ಎಂಬುವವರ ಒಂದು ಹಸು,ಒಂದು ಎಮ್ಮೆ ಸಾವಿಗೀಡಾಗಿವೆ.

ಹೂನೂರು ಗ್ರಾಪಂ. ವ್ಯಾಪ್ತಿಯ ವಂದಲಿ ಗ್ರಾಮದ ನಿವಾಸಿ ಯಮನಪ್ಪ ಛತ್ರಪ್ಪ ಮುಂದಿನ ಮನಿ ಎಂಬುವವರ ಸುಮಾರು 30 ಮೇಕೆಗಳು ಗುರುವಾರ ರಾತ್ರಿ ಸುರಿದ ಭಾರೀ ಮಳೆಯಿಂದ ಸಾವಿಗೀಡಾಗಿ ಅಪಾರ ನಷ್ಟ.