ಬೆಟ್ಟದ ಮಲ್ಲಕಾರ್ಜುನ

ಮಸ್ಕಿ: ಶ್ರಾವಣಮಾಸದ ಕೊನೆ ಸೋಮವಾರವಾದ ಇಂದು ಎರಡನೇ ಶ್ರೀಶೈಲವೆಂದು ಪ್ರಖ್ಯಾತಿ ಪಡೆದಿರುವ ಪಟ್ಟಣದ ಬೆಟ್ಟದ ಮೇಲಿನ ಮಲ್ಲಿಕಾರ್ಜುನ ದೇವರ ದರ್ಶನ ಪಡೆಯಲು ಸಾವಿರಾರು ಸಂಖ್ಯೆಯಲ್ಲಿಭಕ್ತರು ಆಗಮಿಸಿದ್ದರು.

ಶ್ರಾವಣ ಮಾಸದ ಕೊನೆಯ ಸೋಮವಾರವಾಗಿದ್ದರಿಂದ ಬೆಟ್ಟದ ಮೇಲೆ ಕಲ್ಲಿನಲ್ಲಿಮೂಡಿರುವ ಮಲ್ಲಿಕಾರ್ಜುನಿಗೆ ಅಭಿಷೇಕ ಸೇರಿ ವಿಶೇಷ ಪೂಜಾ ಕಾರ್ಯಕ್ರಮಗಳು ನಡೆದವು. ಬೆಳಗ್ಗೆ ಅಭಿಷೇಕ ಸೇರಿ ನಾನಾ ಧಾರ್ಮಿಕ ಕಾರ್ಯಕ್ರಮಗಳು ಜರುಗಿದವು.

ಸಂಜೆ ಬೆಟ್ಟದ ಮೇಲಿಂದ ಮಲ್ಲಿಕಾರ್ಜುನ ಉತ್ಸವ ಮೂರ್ತಿಯನ್ನು ಬೆಟ್ಟದಡಿಯ ಭ್ರಮರಾಂಬ ದೇವಸ್ಥಾನಕ್ಕೆ ನಾನಾ ವಾದ್ಯಗಳೊಂದಿಗೆ ಪಲ್ಲಕ್ಕಿಯಲ್ಲಿತರಲಾಯಿತು. ನಂತರ ಪಟ್ಟಣದ ತೇರು ಬೀದಿಯಲ್ಲಿಮಲ್ಲಿಕಾರ್ಜುನನ ಉಚ್ಛಾಯ ಜರುಗಿತು. ಗಚ್ಚಿನಮಠ ವರರುದ್ರಮುನಿ ಶಿವಾಚಾರ್ಯರ ಸ್ವಾಮೀಜಿ, ಪ್ರತಾಪಗೌಡ ಪಾಟೀಲ್‌, ಆರ್‌.ಬಸನಗೌಡ ತುರ್ವಿಹಾಳ, ಭಕ್ತರು ಇದ್ದರು.