ಮಾನ್ವಿ ಪುರಸಭೆ ವೆಬ್‌ಪೇಜ್‌ ಗೋಜಲು

ಮಾನ್ವಿ : ಸ್ಥಳೀಯ ಪುರಸಭೆಯ ವೆಬ್‌ಪೇಜ್‌ ಹಲವು ದಿನಗಳಿಂದ ಅಪ್‌ಡೇಟ್‌ ಆಗದೇ ನೋಡುಗರಲ್ಲಿ ಗೋಜಲು ಮೂಡಿಸುತ್ತಿದೆ.

ಈ ವೆಬ್‌ಪೇಜ್‌ನಲ್ಲಿ ಇಂಗ್ಲಿಷ್‌ಗೆ ನೀಡಿದ ಆದ್ಯತೆ ಕನ್ನಡಕ್ಕೆ ನೀಡದೇ ಇರುವುದು ಕಂಡುಬಂದಿದೆ. ಒಂದೇ ಪೇಜ್‌ನಲ್ಲಿ ಇಬ್ಬರು ಮುಖ್ಯಾಧಿಕಾರಿಗಳ ಹೆಸರು ನಮೂದಿಸಲಾಗಿದೆ. ಇಂಗ್ಲಿಷ್‌ ಪೇಜ್‌ನಲ್ಲಿ ಪುರಸಭೆ ಮುಖ್ಯಾಧಿಕಾರಿ ವಿಜಯಲಕ್ಷ್ಮಿ ಎಂದಿದ್ದರೆ, ಕನ್ನಡ ಪೇಜ್‌ನಲ್ಲಿ ಪುರಸಭೆ ಮುಖ್ಯಾಧಿಕಾರಿ ವೆಂಕಟೇಶ ಎಂದಿದೆ. ವೆಂಕಟೇಶ ಅವರು ವಿಧಾನಸಭೆ ಚುನಾವಣೆ ಪೂರ್ವದಲ್ಲಿಯೇ ಕಂಪ್ಲಿಗೆ ವರ್ಗಾವಣೆಯಾಗಿದ್ದಾರೆ. ಆದರೂ ಅವರ ಹೆಸರು ಈಗಲೂ ರಾರಾಜಿಸುತ್ತಿದೆ.

ಈ ಪುಟದಲ್ಲಿ ನಾನಾ ಕಾಮಗಾರಿಗಳ ಕ್ರಿಯಾಯೋಜನೆ, ಬ್ಯಾಲೆನ್ಸ್‌ ಶೀಟ್‌, ಪೂರ್ಣಗೊಂಡ ಕಾಮಗಾರಿ, ಚಾಲ್ತಿಯಲ್ಲಿರುವ ಕಾಮಗಾರಿ, ಸಭೆ ಮತ್ತು ವಿಚಾರಣೆ, ಅನುದಾನ ಮಾರ್ಗಸೂಚಿ, ಯೋಜನೆಗಳ ಕುರಿತು ಸರ್ಚ್‌ ಮಾಡಿದರೆ ಪೇಜ್‌ ನಾಟ್‌ ಫೌಂಡ್‌ ಎಂದು ತೋರಿಸುತ್ತಿದೆ.