ಮನೆ ಹಂಚಿಕೆಗೆ ಹಣ, ಕ್ರಮಕ್ಕೆ ಆಗ್ರಹ

ಲಿಂಗಸುಗೂರು : ತಾಲೂಕಿನ ಗುಂತಗೋಳ ಗ್ರಾ.ಪಂ ವ್ಯಾಪ್ತಿಯ ಗೋನವಾಟ್ಲತಾಂಡಾದಲ್ಲಿನಾನಾ ಆಶ್ರಯ ಯೋಜನೆಯ ಮನೆಗಳ ಹಂಚಿಕೆಯಲ್ಲಿಸದಸ್ಯರು 20 ಸಾವಿರ ಹಣ ಪಡೆಯುತ್ತಿದ್ದು ಈ ಬಗ್ಗೆ ಕ್ರಮಕೈಗೊಳ್ಳುವಂತೆ ಆಗ್ರಹಿಸಿ ತಾಂಡಾ ನಿವಾಸಿಗಳು ಬುಧವಾರ ತಾ.ಪಂ ಇಒಗೆ ಮನವಿ ಸಲ್ಲಿಸಿದರು.

ವಸತಿ ಯೋಜನೆಗಳಿಗಾಗಿ ಗ್ರಾಮ ಸಭೆ ಮೂಲಕ ಅರ್ಹ ಫಲಾನುಭವಿಗಳನ್ನು ಆಯ್ಕೆ ಮಾಡಬೇಕೆಂಬ ನಿಯಮವಿದ್ದರೂ ಗ್ರಾ.ಪಂ ಸದಸ್ಯ ಆದನಗೌಡ ಅವರು ನಿಯಮ ಗಾಳಿಗೆ ತೂರಿ 20 ಸಾವಿರ ರೂ. ಹಣ ಪಡೆದು ಮನೆ ಹಂಚಿಕೆ ಮಾಡುತ್ತಿದ್ದಾರೆ. ಇದರಿಂದ ಅರ್ಹ ಫಲಾನುಭವಿಗಳಿಗೆ ಅನ್ಯಾಯವಾಗಿದೆ. ಗೋನವಾಟ್‌್ಲತಾಂಡಾದ ಸಿಸಿ ರಸ್ತೆಗಾಗಿ ಬಿಡುಗಡೆಯಾದ ಅನುದಾನವನ್ನು ಗುಂತಗೋಳ ಗ್ರಾಮದ ಅಭಿವೃದ್ಧಿಗಾಗಿ ಬಳಕೆ ಮಾಡುತ್ತಿದ್ದಾರೆ. ಕೂಡಲೇ ಮನೆ ಹಂಚಿಕೆಗಾಗಿ ಹಣ ಪಡೆದ ಆದನಗೌಡ ಅವರ ಸದಸ್ಯತ್ವದಿಂದ ಅನರ್ಹಗೊಳಿಸಬೇಕು ಹಾಗೂ ಗ್ರಾಮಸಭೆ ಮೂಲಕ ಅರ್ಹ ಫಲಾನುಭವಿಗಳನ್ನು ಆಯ್ಕೆ ಮಾಡುವಂತೆ ಆಗ್ರಹಿಸಿದರು.

ತಾಂಡಾ ನಿವಾಸಿಗಳಾದ ಡಾಕಪ್ಪ ನಾಯ್ಕ, ಬೂದೆಪ್ಪ ಕಾರಬಾರಿ, ಶೇಟೆಪ್ಪ ರಾಠೋಡ್‌, ಮಂಜುನಾಥ ರಾಠೋಡ್‌, ಮೋತಿಲಾಲ್‌ ರಾಠೋಡ್‌, ಶಿವು ರಾಠೋಡ್‌, ನೀಲೇಶ ಪವಾರ್‌,ಸಂತೋಷ, ಶಂಕ್ರಪ್ಪ ಪೂಜಾರಿ, ತಿಪ್ಪಣ್ಣ ಪೂಜಾರಿ ಹಾಗೂ ಇನ್ನಿತರಿದ್ದರು.