ಆನಲೈನ್‌ ಔಷಧಿ ಮಾರಾಟಕ್ಕೆ ವಿರೋಧ

ಲಿಂಗಸುಗೂರು : ಆನಲೈನ್‌ನಲ್ಲಿ ಔಷಧ ಮಾರಾಟದ ವ್ಯವಸ್ಥೆಯನ್ನು ತರಾತುರಿಯಲ್ಲಿ ಜಾರಿಗೊಳಿಸಲು ಉದ್ದೇಶಿಸಿರುವ ಕೇಂದ್ರ ಸರಕಾರದ ಕ್ರಮ ವಿರೋಧಿಸಿ, ತಾಲೂಕು ಔಷಧ ವ್ಯಾಪಾರಿಗಳ ಸಂಘದ ಪದಾಧಿಕಾರಿಗಳು, ಸಹಾಯಕ ಆಯುಕ್ತರಿಗೆ ಗುರುವಾರ ಮನವಿ ಸಲ್ಲಿಸಿದರು.

ಕೇಂದ್ರ ಸರಕಾರವು ಕಾನೂನಾತ್ಮಕವಲ್ಲದ ರೀತಿಯಲ್ಲಿ ಇ-ಫಾರ್ಮಸಿ ಯೋಜನೆ ಜಾರಿಗೊಳಿಸಲು ಮುಂದಾಗುತ್ತಿರುವುದು ಗ್ರಾಹಕರ ಹಿತಕ್ಕೆ ಧಕ್ಕೆಯಾಗಲಿದೆ. ಸರಕಾರದ ಈ ಯೋಜನೆ ವಿರೋಧಿಸಿ, ಸೆ.28ರಂದು ಔಷಧ ಅಂಗಡಿಗಳನ್ನು ಬಂದ್‌ ಮಾಡಲಾಗುವುದು. ಈ ಯೋಜನೆಯನ್ನು ಕೂಡಲೇ ಕೈಬಿಡಬೇಕು ಔಷಧ ವ್ಯಾಪಾರಿಗಳು ಆಗ್ರಹಿಸಿದರು.

ಸಂಘದ ಮುಖಂಡರಾದ ನಾರಾಯಣಪ್ಪ ಚೌದ್ರಿ, ದೊಡ್ಡಪ್ಪ ಸಾಹುಕಾರ, ಸತ್ಯಾನಾರಾಯಣ ಚೌದ್ರಿ, ಸುಬಾಷ್‌ ಪಲ್ಲೇದ್‌, ರಾಜಶೇಖರ್‌ ಫೂಲಬಾವಿ, ಆದಪ್ಪ ಮೇಟಿ, ಖಾಜಾ ಬಂದೇನವಾಜ್‌, ರವಿ ಚೌದ್ರಿ, ಶಿವಶಂಕರ ಹೊನ್ನಳ್ಳಿ, ಸರಳಾಕ್ಷ ಹಾಗೂ ಇತರರಿದ್ದರು.