'ಬೆಳೆಗೆ ವೈಜ್ಞಾನಿಕ ಬೆಲೆ ನೀಡಿ'

ಲಿಂಗಸುಗೂರು: ತೊಗರಿ, ಭತ್ತ ಸೇರಿ ರೈತರು ಬೆಳೆದ ಎಲ್ಲಬೆಳೆಗಳಿಗೆ ಸ್ವಾಮಿನಾಥನ್‌ ವರದಿ ಆಧರಿಸಿ ವೈಜ್ಞಾನಿಕ ಬೆಲೆ ನಿಗದಿ ಮಾಡುವಂತೆ ಆಗ್ರಹಿಸಿ ರಾಜ್ಯ ರೈತ ಸಂಘದ ಕಾರ್ಯಕರ್ತರು ಸೋಮವಾರ ಪಟ್ಟಣದಲ್ಲಿಪ್ರತಿಭಟನೆ ನಡೆಸಿದರು.

ರೈತರ ಬಗ್ಗೆ ಸರಕಾರದ ನಿರ್ಲಕ್ಷತ್ರ್ಯದಿಂದ ಮತ್ತು ಮಧ್ಯವರ್ತಿಗಳ ಹಾವಳಿಯಿಂದ ಅನ್ನದಾತನಿಗೆ ಬೆಲೆ ಇಲ್ಲದಂತಾಗಿದೆ. ಸರಿಯಾದ ಬೆಲೆ ಇಲ್ಲದೆ ಬೆಳೆದ ಬೆಳೆ ಬೇಕಾಬಿಟ್ಟಿಯಾಗಿ ಮಾರಾಟ ಮಾಡುವಂತಾಗಿದೆ. ಭತ್ತ, ತೊಗರಿ, ಕಡಲೆ ಹೈಬ್ರೀಡ್‌ ಜೋಳ ಬೆಳೆಗೆ ಸೂಕ್ತ ಬೆಲೆಯಿಲ್ಲದೆ ರೈತರು ಸಂಕಷ್ಟು ಅನುಭವಿಸುವಂತಾಗಿದೆ. ಕೂಡಲೇ ಖರೀದಿ ಕೇಂದ್ರ ಆರಂಭಿಸಿ ಬೆಳೆ ಖರೀದಿಸಿ ವಾರದೊಳಗೆ ಹಣ ಪಾವತಿ ಮಾಡಬೇಕು ಎಂದರು.

ಆಗ್ರಹ: ರಾಷ್ಟ್ರೀಕೃತ ಹಾಗೂ ಸಹಕಾರಿ ಬ್ಯಾಂಕ್‌ಗಳ ಮತ್ತು ಖಾಸಗಿ ಹಣಕಾಸು ಸಂಸ್ಥೆಯಲ್ಲಿನ ಸಾಲ ಮನ್ನಾ ಮಾಡಬೇಕು. ಎಪಿಎಂಸಿಯಲ್ಲಿವರ್ತಕರು ಪ್ರತಿ ಕ್ವಿಂಟಲ್‌ ಆಹಾರ ಧಾನ್ಯಕ್ಕೆ 3ರಿಂದ5 ಕೆಜಿ ಶೂಟ ತೆಗೆಯುತ್ತಿದ್ದಾರೆ. ಕಮಿಷನ್‌ ಹಾವಳಿ, ಖಾಲಿ ಚೀಲದ ಮೊತ್ತ ಪಡೆಯವುದನ್ನು ತಡೆಗಟ್ಟಬೇಕು. ಕೃಷಿ ಮಾರುಕಟ್ಟೆಯಲ್ಲಿಮಧ್ಯವರ್ತಿಗಳ ಹಾವಳಿ ಹೆಚ್ಚಾಗಿದೆ ಇದಕ್ಕೆ ಕಡಿವಾಣ ಹಾಕಬೇಕು. ನಂದವಾಡಗಿ ಏತ ನೀರಾವರಿ ಯೋಜನೆಯಲ್ಲಿಶೇ.70 ರಷ್ಟು ಕಾಮಗಾರಿ ಪೂರ್ಣಗೊಂಡಿದ್ದ ಸಹ ಭೂ ಪರಿಹಾರ ನೀಡಿರುವುದಿಲ್ಲಕೂಡಲೇ ಪರಿಹಾರ ನೀಡಬೇಕು. ತಾಲೂಕು ಕೇಂದ್ರದಲ್ಲಿರೈತ ಭವನ ನಿರ್ಮಾಣ ಮಾಡಬೇಕು ಎಂದು ಆಗ್ರಹಿಸಿದರು.

ರೈತ ಸಂಘದ ರಾಜ್ಯ ಕಾರ್ಯದರ್ಶಿ ಬಲವಂತ ಕಾಂಬಳೆ, ಹನುಮಂತಪ್ಪ ಹೊಳೆಯಾಚೆ, ಜಿಲ್ಲಾಅಧ್ಯಕ್ಷ ಶರಣಪ್ಪ ಮರಳಿ, ತಾಲೂಕು ಅಧ್ಯಕ್ಷ ಶಿವಪುತ್ರಗೌಡ, ಬಸನಗೌಡ ಹಿರೇಹೆಸರೂರು, ಮಹಿಳಾ ಘಟಕದ ಅಧ್ಯಕ್ಷೆ ಉಮಾದೇವಿ ನಾಯಕ, ವಿಜಯ ಬಡಿಗೇರ, ರಾಮಯ್ಯರೆಡ್ಡಿ, ಸಿ.ಎಚ್‌.ರವಿಕುಮಾರ, ಕರಿಯಪ್ಪ ಸಿರವಾರ, ಆದಪ್ಪ ಹಾಗಲ್ದಾಳ, ಸಂಗನಗೌಡ ಹೊಸೂರು ಹಾಗೂ ಇನ್ನಿತರರಿದ್ದರು.