ರಾಜಕೀಯ ದ್ವೇಷ: ಮಾವಿನ ಮರ ನಾಶ

ರಾಯಚೂರು: ಚುನಾವಣೆ ರಾಜಕೀಯ ದ್ವೇಷ ಹಿನ್ನೆಲೆಯಲ್ಲಿ ಕಾಂಗ್ರೆಸ್ ಕಾರ್ಯಕರ್ತರೊಬ್ಬರ ತೋಟದಲ್ಲಿ ಬೆಳೆದಿದ್ದ ಮಾವಿನ ಮರಗಳನ್ನು ಗ್ರಾ.ಪಂ. ಸದಸ್ಯರೊಬ್ಬರು ಕಡಿದು ನಾಶಗೊಳಿಸಿದ್ದಾರೆ.

ತಾಲೂಕಿನ ಉಂಡ್ರಾಳದೊಡ್ಡಿಯ ಕಾಂಗ್ರೆಸ್ ಕಾರ್ಯಕರ್ತ ರಂಗನಾಥ್ ಅವರಿಗೆ ಸೇರಿದ ತೋಟದಲ್ಲಿ 600ಕ್ಕೂ ಹೆಚ್ಚು ಮರಗಳನ್ನು ಬೆಳೆಸಲಾಗಿತ್ತು. ಈಚೆಗೆ ನಡೆದ ಚುನಾವಣೆಯಲ್ಲಿನ ದ್ವೇಷ ನೆಪವೊಡ್ಡಿದ ಎಲ್.ಕೆ.ದೊಡ್ಡಿ ಗ್ರಾ.ಪಂ. ಸದಸ್ಯ ಕರಿಯಪ್ಪ ಮತ್ತಿತರರು, ಭಾನುವಾರ ರಾತ್ರಿ ತೋಟದ ಮೇಲೆ ದಾಳಿಮಾಡಿ ಲಕ್ಷಾಂತರ ರೂಪಾಯಿ ಮೌಲ್ಯದ ಮರಗಳನ್ನು ಕಡಿದು ನಾಶಗೊಳಿಸಿದ್ದಾರೆ ಎಂಬ ದೂರು ಆಧರಿಸಿ, ಯರಗೇರಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.