ಕಳಪೆ ಬೀಜ ವಿತರಣೆ, ಕ್ರಮಕ್ಕೆ ಆಗ್ರಹ

ಲಿಂಗಸುಗೂರು ; ಕಳಪೆ ಭತ್ತದ ಬೀಜ ಮಾರಾಟ ಮಾಡಿರುವವರ ವಿರುದ್ಧ ಕ್ರಮಕೈಗೊಳ್ಳುವಂತೆ ಆಗ್ರಹಿಸಿ, ರೈತ ಸಂಘದ ಮುಖಂಡರು, ಸಹಾಯಕ ಆಯುಕ್ತರಿಗೆ ಮಂಗಳವಾರ ಮನವಿ ಸಲ್ಲಿಸಿದರು.

ತಾಲೂಕಿನ ರೈತರು, ಪಕ್ಕದ ಸಿಂಧನೂರಿನ ಸೂರ್ಯ ಆಗ್ರೋ ವರ್ತಕರಿಂದ 200 ಚೀಲ ಭತ್ತದ ಬೀಜ ಖರೀದಿಸಿ ನಾಟಿಮಾಡಿದ್ದಾರೆ. ಇದುವರೆಗೂ ತೆನೆ ಬಿಡದೇ ಇರುವುದು ಆತಂಕ ಮೂಡಿಸಿದೆ. ಕಳಪೆ ಬೀಜ ಮಾರಾಟಮಾಡಿದ ಬಗ್ಗೆ ಪರಿಶೀಲಿಸಿ, ತಪ್ಪಿತಸ್ಥ ಸೂರ್ಯ ಆಗ್ರೋ ವರ್ತಕರು ಹಾಗೂ ಕಾವೇರಿ ಕಂಪನಿ ವಿರುದ್ಧ ಕ್ರಮಕೈಗೊಳ್ಳಬೇಕು ಎಂದು ಆಗ್ರಹಿಸಿದರು.

ಈ ಸಂದರ್ಭದಲ್ಲಿತಾಲೂಕು ರೈತ ಸಂಘದ ಅಧ್ಯಕ್ಷ ಶಿವಪುತ್ರಗೌಡ ನಂದಿಹಾಳ, ಹಿರಿಯ ಮುಖಂಡ ಬಿ.ಆರ್‌.ಪಾಟೀಲ್‌, ಬಸನಗೌಡ ಹಿರೇಹೆಸರೂರು, ಮಲ್ಲಿಕಾರ್ಜುನ, ಸುರೇಶ ಪೂಜಾರಿ, ಯಮನಪ್ಪ ಮರಗಂಟನಾಳ, ಶಿವಪ್ಪ ಭೂಪುರ ಸೇರಿ ಇತರರಿದ್ದರು.