ಸಾಮೂಹಿಕ ವಿವಾಹಕ್ಕೆ ಆದ್ಯತೆ ನೀಡಿ

ಲಿಂಗಸುಗೂರು ; ದುಂದುವೆಚ್ಚಕ್ಕೆ ಕಡಿವಾಣ ಹಾಕಲು ಪ್ರತಿಯೊಬ್ಬರು ಸಾಮೂಹಿಕ ವಿವಾಹಕ್ಕೆ ಆದ್ಯತೆ ನೀಡಬೇಕು ಎಂದು ಬಿಜೆಪಿ ಹಿರಿಯ ಮುಖಂಡ ಗಿರಿಮಲ್ಲನಗೌಡ ಕರಡಕಲ್‌ ಹೇಳಿದರು.

ಸ್ಥಳೀಯ ಪುರಸಭೆ ವ್ಯಾಪ್ತಿಯ ಕರಡಕಲ್‌ ಗ್ರಾಮದಲ್ಲಿ ಹುಲಿಗೆಮ್ಮ ದೇವಿಯ ಪ್ರಥಮ ವರ್ಷದ ಜಾತ್ರಾ ಮಹೋತ್ಸವ ಹಾಗೂ ಸಾಮೂಹಿಕ ವಿವಾಹ ಸಮಾರಂಭದಲ್ಲಿ ಮಾತನಾಡಿ, ದುಬಾರಿ ದಿನಗಳಲ್ಲಿ ಮದುವೆ ಮಾಡುವುದು ಕಷ್ಟದ ಕೆಲಸವಾಗಿದೆ. ದುಂದುವೆಚ್ಚ ಮಾಡಿ ಮದುವೆ ಮಾಡಿ ಕಷ್ಟಕ್ಕೀಡಾಗುವುದು ಬೇಡವಾಗಿದೆ. ಹೀಗಾಗಿ ಇಂದು ಮಠ ಮಾನ್ಯ, ದೇವಸ್ಥಾನಗಳಲ್ಲಿ ಸಾಮೂಹಿಕ ವಿವಾಹಗಳನ್ನು ಹಮ್ಮಿಕೊಳ್ಳಲಾಗುತ್ತಿದೆ. ಸಾಮೂಹಿಕ ವಿವಾಹ ಕಾರ್ಯಕ್ರಮದ ಲಾಭ ಸರ್ವರೂ ಪಡೆಯಬೇಕು ಎಂದರು.

ಸಮಾರಂಭದಲ್ಲಿ ಲಿಂಗಯ್ಯಸ್ವಾಮಿ ಹಾಲಬಾವಿ, ಸಿದ್ದಯ್ಯ ತಾತನವರು, ಮಾದಯ್ಯ ತಾತಾ, ಬಾಲಯ್ಯ ತಾತಾ, ಹುಲಗೆಪ್ಪ ಪೂಜಾರಿ, ಕಾಂಗ್ರೆಸ್‌ ಬ್ಲಾಕ್‌ ಅಧ್ಯಕ್ಷ ಭೂಪನಗೌಡ ಕರಡಕಲ್‌, ಸಂಗಣ್ಣ ಬಯ್ಯಾಪುರ, ಭೀಮಣ್ಣ ಹುನಕುಂಟಿ, ಪುರಸಭೆ ಸದಸ್ಯೆ ಮಂಜುಳಾ ಚೆನ್ನೂರು, ಹಾಜಿಬಾಬು, ಬಾಲನಗೌಡ ಯಲಗಲದಿನ್ನಿ ಸೇರಿದಂತೆ ಇನ್ನಿತರಿದ್ದರು.