ಕಾರ್ಮಿಕ ಕಾಯ್ದೆ ತಿದ್ದುಪಡಿ ಖಂಡಿಸಿ ಪ್ರತಿಭಟನೆ: ಮನವಿ

ರಾಯಚೂರು : ಕೇಂದ್ರ ಸರಕಾರವು ಕಾರ್ಮಿಕರ ಹಿತರಕ್ಷ ಣೆ ಹೆಸರಿನಲ್ಲಿ ಕಾರ್ಮಿಕರ ಕಾಯಿದೆಗಳನ್ನು ತಿದ್ದುಪಡಿ ಮೂಲಕ ದುರ್ಬಲಗೊಳಿಸಲು ಮುಂದಾಗಿರುವುದನ್ನು ಖಂಡಿಸಿ ಕರ್ನಾಟಕ ರಾಜ್ಯ ಮೆಡಿಕಲ್‌ ಆ್ಯಂಡ್‌ ಸೇಲ್ಸ್‌ ರಿಪ್ರಸೆಂಟೇಟ್ಯೂ ಅಸೋಸಿಯೇಶನ್‌ ಪದಾಧಿಕಾರಿಗಳು ನಗರದ ಜಿಲ್ಲಾ ಕಾರ್ಮಿಕ ಅಧಿಕಾರಿಗಳಿಗೆ ಗುರುವಾರ ಮನವಿ ಸಲ್ಲಿಸಿದರು.

ಹಿಂಪಡೆಯಿರಿ: ನಗರದ ಜಿಲ್ಲಾ ಕಾರ್ಮಿಕ ಕಚೇರಿಯಲ್ಲಿ ಮನವಿ ಸಲ್ಲಿಸಿದ ಪದಾಧಿಕಾರಿಗಳು, ದೇಶದಲ್ಲಿ ಅಸ್ತಿತ್ವದಲ್ಲಿರುವ ಕಾನೂನುಗಳನ್ನು 4 ಸಂಹಿತೆಗಳಿಗೆ ಬೆರೆÜಸುವುದರಿಂದ ಕಾರ್ಮಿಕರ ಹಕ್ಕುಗಳಿಗೆ ಧಕ್ಕೆಯಾಗಲಿದೆ. ಕೇಂದ್ರ ಸರಕಾರ ಕಾರ್ಮಿಕರ ಹಕ್ಕುಗಳ ತಿದ್ದುಪಡಿಯನ್ನು ಸ್ಥಗಿತಗೊಳಿಸಬೇಕು, ಕಾರ್ಮಿಕರ ಸಂಹಿತೆಗಳನ್ನು ಅನುಷ್ಠಾನ ಮಾಡಬಾರದು, ಎಸ್‌ಪಿಇ ಕಾಯ್ದೆಯನ್ನು ರದ್ದುಪಡಿಸುವ ಪ್ರಸ್ತಾವನೆ ಹಿಂಪಡೆಯಬೇಕು.

ಕಾರ್ಮಿಕ ಸಂಘಟನೆಗಳ ಪ್ರಸ್ತಾಪದಂತೆ ಮಾರಾಟ ಮತ್ತು ಪ್ರಚಾರದ ನೌಕರರಿಗೆ ಎಸ್‌ಪಿಇ ಕಾಯಿದೆ ನಿಯಮಗಳನ್ವಯ ಶಾಸನಬದ್ಧ ಕೆಲಸದ ಅವಧಿಯನ್ನು ಕೂಡಲೇ ಸೂಚಿಸಬೇಕು. ಔದ್ಯೋಗಿಕ ಸುರಕ್ಷ ತೆ ಮತ್ತು ಕೆಲಸದ ನಿಯಮಗಳನ್ನು ಸಂಹಿತೆ ಅಡಿ ಎಸ್‌ಪಿಇ ಕಾಯಿದೆಯನ್ನು ರದ್ದುಗೊಳಿಸುವುದನ್ನು ಹಿಂಪಡೆಯಬೇಕು ಎಂಬುದು ಸೇರಿ ನಾನಾ ಬೇಡಿಕೆಗಳನ್ನು ಈಡೇರಿಸುವಂತೆ ಆಗ್ರಹಿಸಿದರು.

ಸಂಘಟನೆಯ ಮುಖಂಡರಾದ ಗುರುರಾಜ ದೇಸಾಯಿ, ಆರ್‌.ಬಿ.ಪಾಟೀಲ್‌, ರಾಜಶೇಖರ್‌, ಮಾರೆಪ್ಪ, ವಿ.ವಿ.ಪಾಟೀಲ್‌ ಸೇರಿ ಇತರರು ಇದ್ದರು.