ಹತ್ಯೆ ಖಂಡಿಸಿ ವಕೀಲರಿಂದ ಪ್ರತಿಭಟನೆ

ಲಿಂಗಸುಗೂರು ; ವಿಜಯಪುರ ಜಿಲ್ಲೆಯ ಸಿಂಧಗಿ ಪಟ್ಟಣದ ವಕೀಲರೊಬ್ಬರನ್ನು ಕೊಲೆಮಾಡಿದ ಘಟನೆ ಖಂಡಿಸಿದ ತಾಲೂಕು ವಕೀಲರ ಸಂಘದ ಪದಾಧಿಕಾರಿಗಳು, ಶುಕ್ರವಾರ, ನ್ಯಾಯಲಯದ ಕಲಾಪದಿಂದ ದೂರ ಉಳಿದು ಪ್ರತಿಭಟನೆ ನಡೆಸಿದರು.

ಸಿಂಧಗಿ ನ್ಯಾಯಾಲಯದಲ್ಲಿ ವಕೀಲರಾಗಿ ಕಾರ್ಯನಿರ್ವಹಿಸುತ್ತಿದ್ದ ದತ್ತು ಬಂಡಿವಡ್ಡರ್‌ ಅವರು, ಸ್ವಗ್ರಾಮ ಬಳಗಾನೂರು ಗ್ರಾಮಕ್ಕೆ ಹೋಗುವ ಮಾರ್ಗ ಮಧ್ಯೆ ಅವರನ್ನು ದುಷ್ಕರ್ಮಿಗಳು ಮಾರಕಾಸ್ತ್ರಗಳಿಂದ ಹತ್ಯೆಮಾಡಿದ್ದಾರೆ. ಆರೋಪಿಗಳನ್ನು ಕೂಡಲೇ ಬಂಧಿಸಿ, ಮೃತರ ಕುಟುಂಬಕ್ಕೆ ಸೂಕ್ತ ಭದ್ರತೆ ಒದಗಿಸಬೇಕೆಂದು ಆಗ್ರಹಿಸಿ, ಸಹಾಯಕ ಆಯುಕ್ತರಿಗೆ ಮನವಿ ಸಲ್ಲಿಸಲಾಯಿತು.

ಈ ಸಂದರ್ಭದಲ್ಲಿ ತಾಲೂಕು ವಕೀಲರ ಸಂಘದ ಅಧ್ಯಕ್ಷ ಮಹಾಲಿಂಗಪ್ಪ ಪಾಟೀಲ್‌, ಪದಾಧಿಕಾರಿಗಳಾದ ವೀರಭದ್ರಪ್ಪ, ಮಹಾಂತೇಶ ಮರದ್‌, ಬಸವರಾಜ ಹಳ್ಳಿ, ಬಿ.ಬಸವರಾಜ, ಅಮರೇಶ ಗೌಡೂರು, ಅಯ್ಯಪ್ಪ ಮಾಳೂರು, ಮಹೇಶ ಹಿರೇಮಠ, ಕುಪ್ಪಣ್ಣ ಕೋಠಾ, ಬಾಷುಮಿಯಾ, ಸೂರ್ಯಚಂದ್ರ, ಬಾಲರಾಜ ಸಾಗರ, ಮೋಹಿನ್‌ ಪಟೇಲ್‌, ಹನುಮಂತಪ್ಪ ಸರ್ಜಾಪುರ, ರಮೇಶ ನಾಯಕ ಹಾಗೂ ಇತರಿದ್ದರು.