ಭೂ ಪರಿಹಾರಕ್ಕೆ ಆಗ್ರಹಿಸಿ ಪ್ರತಿಭಟನೆ

ದೇವದುರ್ಗ: ತಾಲೂಕಿನ ಮುಂಡರಗಿ ಗ್ರಾಮ ವ್ಯಾಪ್ತಿಯ ರೈತರಿಗೆ ಭೂ ಪರಿಹಾರ ನೀಡಲು ಆಗ್ರಹಿಸಿ ಸ್ಥಳೀಯ ಸಿಪಿಐಎಂಎಲ್‌ ಪಕ್ಷದ ಕಾರ್ಯಕರ್ತರು ಇಲ್ಲಿನ ಚಿಕ್ಕಹೊನ್ನಕುಣಿ ಗ್ರಾಮದ ನೀರಾವರಿ ಇಲಾಖೆ ಕಚೇರಿ ಎದುರುಗಡೆ ಅರ್ನಿಷ್ಟ ಧರಣಿ ಕೈಗೊಂಡಿದ್ದಾರೆ. ಧರಣಿ ಉದ್ದೇಶಿಸಿ ಮಲ್ಲಯ್ಯ ಕಟ್ಟಿಮನಿ ಮಾತನಾಡಿದರು. ಮುಂಡಗಿ ಗ್ರಾಮ ವ್ಯಾಪ್ತಿಯಲ್ಲಿರೈತರ ಜಮೀನು ಸ್ವಾಧೀನ ಪಡಿಸಿಕೊಂಡು 20 ವರ್ಷ ಕಳೆದರೂ ರೈತರಿಗೆ ಪರಿಹಾರ ನೀಡಿಲ್ಲ. ಇದಕ್ಕೆ ಸಂಬಂಧಿಸಿದಂತೆ ಯಾವೊಬ್ಬ ಅಧಿಕಾರಿ ಸರಿಯಾಗಿ ಸ್ಪಂದಿಸುತ್ತಿಲ್ಲ. ಇದ್ದ ಅಲ್ಪಸ್ವಲ್ಪ ಭೂಮಿ ಕಳೆದುಕೊಂಡು 20 ವರ್ಷಗಳಿಂದ ಪರಿಹಾರಕ್ಕಾಗಿ ಕಚೇರಿ ಅಲೆದಾಡುತ್ತಿದ್ದರೂ ಗಮನಹರಿಸುವವರಿಲ್ಲಎಂದು ಆಕ್ರೋಶ ಹೊರಹಾಕಿದರು. ಪರಿಹಾರದ ಲಿಖಿತ ಭರವಸೆ ನೀಡುವವರೆಗೆ ಪ್ರತಿಭಟನೆ ಕೈಬಿಡುವ ಪ್ರಶ್ನೆಯೇ ಇಲ್ಲಎಂದು ಅವರು ತಿಳಿಸಿದರು. ಇದೇ ವೇಳೆ ಇತರ ಬೇಡಿಕೆಗಳನ್ನು ಈಡೇರಿಸುವಂತೆ ಆಗ್ರಹಿಸಿದರು.

ದುರುಗಣ್ಣ ಕೆ.ಇರಬಗೇರಾ, ಗಿರಿಲಿಂಗಸ್ವಾಮಿ, ನರಸಣ್ಣ ನಾಯಕ, ವೆಂಕೋಬ ವಂಗಳಪೂರು, ಸಿದ್ದಲಿಂಗಪ್ಪ ಜೇರಬಂಡಿ, ಶಿವಪ್ಪ ಸಮುದ್ರ, ಬಾಬು ಮಲದಕಲ್‌, ರಂಗಪ್ಪ ಜುಟ್ಟಮರಡಿ, ಮಲ್ಲಪ್ಪ ಬರನಿಕಿ ಮುಂಡರಗಿ ಪ್ರತಿಭಟನೆಯಲ್ಲಿಪಾಲ್ಗೊಂಡಿದ್ದಾರೆ.