ರಾಯಚೂರಿನಲ್ಲಿ 43.8ಡಿಗ್ರಿ ತಾಪ

ರಾಯಚೂರು: ಜಿಲ್ಲೆಯ ಪ್ರಸಕ್ತ ಬೇಸಿಗೆಯ ಗರಿಷ್ಠ ತಾಪಮಾನ 43.8ಡಿಗ್ರಿ ಸೆಲ್ಸಿಯಸ್ ಶುಕ್ರವಾರ ದಾಖಲಾಗಿದೆ ಎಂದು ಕೃಷಿ ವಿವಿಯ ಹವಾಮಾನ ವಿಭಾಗ ತಿಳಿಸಿದೆ.

ಕಳೆದ ಏಪ್ರಿಲ್‌ನಲ್ಲಿ 40 ಡಿಗ್ರಿ ಆಸುಪಾಸಿನಲ್ಲಿದ್ದ ಬಿರುಬಿಸಿಲಿನ ತಾಪ, ಕಳೆದ ವಾರ 43.4ಡಿಗ್ರಿ ತಲುಪಿತ್ತು. ಪ್ರಸಕ್ತ ಬೇಸಿಗೆಯಲ್ಲಿ ಜಿಲ್ಲೆಯ ಅತೀ ಹೆಚ್ಚಿನ ತಾಪಮಾನ ಶುಕ್ರವಾರ ದಾಖಲಾಗುವ ಮೂಲಕ ಜನತೆಯನ್ನು ಬೆಚ್ಚಿ ಬೀಳಿಸಿದೆ. ಬಿಸಿಲ ತಾಪ ಏರಿಕೆಯಾಗಿದ್ದರಿಂದ ಮಧ್ಯಾಹ್ನದ ವೇಳೆ ರಸ್ತೆಗಳು ಬಿಕೋ ಎನ್ನುತ್ತಿದ್ದವು. ನಾಗರಿಕರು ಬಿಸಿಲ ತಾಪದಿಂದ ಪಾರಾಗಲು ರಸ್ತೆ ಬದಿ ಮಾರಾಟಮಾಡುತ್ತಿದ್ದ ಹಣ್ಣು ಮತ್ತು ತಂಪು ಪಾನೀಯಗಳ ಮೊರೆ ಹೋಗಿದ್ದು ಕಂಡುಬಂತು.