ಬೆಳೆಗೆ ಜೀವ ಕಳೆ ತಂದ ಮಳೆ

ಹಟ್ಟಿಚಿನ್ನದಗಣಿ: ಕಳೆದ ವಾರ ನಿರಂತರವಾಗಿ ನಾಲ್ಕು ದಿನಗಳ ಕಾಲ ಸುರಿದ ಮಳೆಯಿಂದಾಗಿ ಬಾಡುವ ಹಂತದಲ್ಲಿದ್ದ ತೊಗರಿ, ಹತ್ತಿ, ಸಜ್ಜೆ ಸೇರಿದಂತೆ ಇತರ ಬೆಳೆ ಚೇತರಿಸಿಕೊಂಡಿದ್ದು, ರೈತರಲ್ಲಿಸಂತಸ ಮೂಡಿದೆ.

ಮುಂಗಾರು ಮಳೆ ಆರಂಭದಲ್ಲಿಕೈಕೊಟ್ಟಿದ್ದರಿಂದ ಬಹುತೇಕ ರೈತರ ಆತಂಕದಲ್ಲಿದ್ದರು. ಸಮೀಪದ ವೀರಾಪುರ, ನಿಲೋಗಲ್‌, ಅನ್ವರಿ, ಹಿರೇನಗನೂರು, ಗೌಡೂರು, ಕೋಠಾ, ಯಲಗಟ್ಟಾ, ರೋಡಲಬಂಡಾ ಮೊದಲಾದ ಗ್ರಾಮದ ರೈತರು ತೊಗರಿ ಹಾಕಿದ್ದಾರೆ. ಇದರ ಜತೆ ಅಲ್ಲಲ್ಲಿಹತ್ತಿ, ಸಜ್ಜೆ, ಎಳ್ಳು ಹಾಕಲಾಗಿದೆ. ಬಿತ್ತನೆ ಮಾಡಿದ ಬಳಿಕ ಜಮೀನಿನಲ್ಲಿನೀರು ಹರಿದಾಡುವಷ್ಟು ಮಳೆಯಾಗಿರಲಿಲ್ಲ. ಬೆಳೆಗಳು ಬಾಡುವ ಹಂತಕ್ಕೆ ಹೋಗಿದ್ದವು. ಕಳೆದ ಎರಡು ವರ್ಷದಿಂದ ಬರಕ್ಕೆ ಸಿಲುಕಿದ ರೈತರು ಮತ್ತೆ ಆತಂಕದಲ್ಲಿದ್ದರು. ಇದೀಗ ಮಳೆ ಕೈ ಹಿಡಿದಿದ್ದರಿಂದ ಆತಂಕ ದೂರವಾಗಿದೆ. ಜತೆಗೆ, ಬೆಳೆಗಳು ನಳನಳಿಸುತ್ತಿವೆ. ಕಳೆದ ವಾರ ಪಟ್ಟಣ ಸೇರಿದಂತೆ ಸುತ್ತಲಿನ ಭಾಗದಲ್ಲಿಉತ್ತಮ ಮಳೆಯಾಗಿದೆ. ತೊಗರಿ, ಹತ್ತಿ ಬೆಳೆಗಳು ಕೈ ಹಿಡಿಯುವ ಮುನ್ಸೂಚನೆ ಕಾಣಿಸಿದೆ. ಬೆಳೆ ರಕ್ಷಣೆಗಾಗಿ ರೈತರು ಕ್ರಿಮಿನಾಶಕ ಸಿಂಪರಣೆಯಲ್ಲಿತೊಡಗಿದ್ದಾರೆ.

...

ಕಳೆದ ವಾರದಲ್ಲಿಸುರಿದ ಮಳೆಯಿಂದ ತೊಗರಿಗೆ ಅನುಕೂಲವಾಗಿದೆ. ಬಾಡುವ ಹಂತಕ್ಕೆ ಹೋಗಿದ್ದ ಬೆಳೆಗೆ ಮಳೆ ಜೀವಕಳೆ ತಂದಿದೆ. ಸದ್ಯ ತೊಗರಿ ಹೂವು ಬಿಡುವ ಹಂತದಲ್ಲಿದೆ. ಒಂದೆರಡು ಮಳೆಯಾದರೆ, ಫಸಲು ಕೈಗೆ ಬರಲಿದೆ.

-ರಾಜುಗೌಡ ಗುರಿಕಾರ, ರೈತ, ಹಟ್ಟಿಚಿನ್ನದಗಣಿ