ಮದ್ಯದಂಗಡಿ ಪರವಾನಗಿ ರದ್ದುಗೊಳಿಸಲು ಆಗ್ರಹ

ರಾಯಚೂರು : ನಗರದ ಕೆಎಸ್‌ಆರ್‌ಟಿಸಿ ವಿಭಾಗೀಯ ನಿಯಂತ್ರಣಾಧಿಕಾರಿಗಳ ಕಚೇರಿ ಹತ್ತಿರ ಎಂಎಸ್‌ಐಎಲ್‌ ಮದ್ಯದ ಅಂಗಡಿಗೆ ಪರವಾನಗಿ ನೀಡಿರುವುದನ್ನು ರದ್ದುಗೊಳಿಸುವಂತೆ ಆಗ್ರಹಿಸಿ ಜಿಲ್ಲಾಕುಳುವ ಮಹಾಸಂಘದ ನೇತೃತ್ವದಲ್ಲಿಡಿಸಿ ಕಚೇರಿ ಮುಂದೆ ಸೋಮವಾರ ಪ್ರತಿಭಟನೆ ನಡೆಸಲಾಯಿತು.

ಸಹಾಯಕ ಆಯುಕ್ತರ ಮೂಲಕ ಅಬಕಾರಿ ಇಲಾಖೆ ಉಪ ಆಯುಕ್ತರಿಗೆ ಮನವಿ ರವಾನಿಸಿದರು. ಕೊಳಚೆ ಪ್ರದೇಶದ ಹತ್ತಿರ ಮದ್ಯದ ಅಂಗಡಿ ತೆಗೆಯಲು ಪರವಾನಗಿ ನೀಡಿರುವುದು ಅಕ್ಷಮ್ಯ. ಕೊಳಚೆ ಪ್ರದೇಶಗಳಲ್ಲಿಕಡುಬಡವರೇ ಹೆಚ್ಚಿದ್ದಾರೆ.

ಅಂತಹ ಸ್ಥಳಗಳಲ್ಲಿಮದ್ಯದಂಗಡಿ ತೆರೆಯುವುದರಿಂದ ಹೆಚ್ಚಿನ ದುಂದುವೆಚ್ಚಕ್ಕೆ ಕಾರಣವಾಗಲಿದೆ. ಮದ್ಯದ ಅಂಗಡಿಯನ್ನು ಬೇರೆಡೆಗೆ ಸ್ಥಳಾಂತರಿಸುವಂತೆ ಹಲವು ಬಾರಿ ಮನವಿ ಸಲ್ಲಿಸಿದರೂ ಸ್ಪಂದಿಸುತ್ತಿಲ್ಲ. ಮದ್ಯದಂಗಡಿ ತೆರೆಯದಂತೆ ಆಕ್ಷೇಪಣೆ ಸಲ್ಲಿಸಿದಾಗ ಅದರಿಂದಾಗುವ ಅನಾಹುತಗಳ ಬಗ್ಗೆ ಪರಿಶೀಲಿಸಬೇಕಾಗಿತ್ತು. ಆದರೆ ಅಧಿಕಾರ ದುರುಪಯೋಗಪಡಿಸಿಕೊಂಡು ಪರವಾನಗಿ ನೀಡಿರುವುದು ಕರ್ನಾಟಕ ಸರಕಾರದ ಸೇವಾ ಕಾನೂನಿಗೆ ವಿರುದ್ಧವಾಗಿದೆ. ಕೂಡಲೇ ಸಾರ್ವಜನಿಕರ ಹಿತದೃಷ್ಟಿಯಿಂದ ಎಂಎಸ್‌ಐಎಲ್‌ ಔಟ್‌ಲೆಟ್‌ ಪರವಾನಗಿ ರದ್ದುಗೊಳಿಸಬೇಕು. ಇಲ್ಲದಿದ್ದಲ್ಲಿಉಗ್ರ ಪ್ರತಿಭಟನೆ ಹಮ್ಮಿಕೊಳ್ಳಬೇಕಾಗುತ್ತದೆ ಎಂದು ಎಚ್ಚರಿಸಿದರು.

ಸಂಘದ ಪದಾಧಿಕಾರಿಗಳಾದ ಈರಣ್ಣ, ಆಂಜಿನಯ್ಯ, ನರಸಿಂಹಲು, ಈರೇಶ, ಬಜಾರಪ್ಪ, ಯಲ್ಲಪ್ಪ ಸೇರಿ ಇತರರಿದ್ದರು.