ಗ್ರಾಮ ಲೆಕ್ಕಾಧಿಕಾರಿ ವಜಾಕ್ಕೆ ಆರ್‌ವೈಎಫ್‌ಐ ಒತ್ತಾಯ

ಮಾನ್ವಿ : ಬರ ಪರಿಹಾರ ಹೆಸರಲ್ಲಿ ರೈತರನ್ನು ವಂಚಿಸಿದ ಆರೋಪ ಎದುರಿಸುತ್ತಿರುವ ಖರಾಬದಿನ್ನಿ ಗ್ರಾಮ ಲೆಕ್ಕಾಧಿಕಾರಿ ನರಸಪ್ಪ ಅವರನ್ನು ಸೇವೆಯಿಂದ ವಜಾಗೊಳಿಸುವಂತೆ ಆಗ್ರಹಿಸಿ, ಭಾರತ ಕ್ರಾಂತಿಕಾರಿ ಯುವಜನ ಒಕ್ಕೂಟದ ತಾಲೂಕು ಸಮಿತಿ ಪದಾಧಿಕಾರಿಗಳು, ತಹಸೀಲ್ದಾರ್‌ ಅಮರೇಶ ಬಿರಾದಾರ ಅವರಿಗೆ ಬುಧವಾರ ಮನವಿ ಪತ್ರ ಸಲ್ಲಿಸಿದರು.

ಅವರ ವಿರುದ್ಧ ಭ್ರಷ್ಟಾಚಾರ ಆರೋಪದಡಿ ಕ್ರಿಮಿನಲ್‌ ಮೊಕದ್ದಮೆ ದಾಖಲಿಸಬೇಕು ಹಾಗೂ ಅವರು ರೈತರಿಂದ ಪಡೆದ ಹಣವನ್ನು ಮರಳಿ ರೈತರಿಗೆ ಕೊಡಿಸಬೇಕು ಎಂದು ಒತ್ತಾಯಿಸಿದರು. ಈ ಸಂದರ್ಭದಲ್ಲಿ ಆರ್‌ವೈಎಫ್‌ಐ ಸಂಘಟನೆಯ ತಾಲೂಕಾಧ್ಯಕ್ಷ ಗಂಗಪ್ಪ ತೋರಣದಿನ್ನಿ, ಉಪಾಧ್ಯಕ್ಷ ಕಿರಣ್‌ ಕುಮಾರ್‌ ತಡಕಲ್‌, ಪ್ರಧಾನ ಕಾರ್ಯದರ್ಶಿ ರಂಜಾನ್‌ ಅಮರಾವತಿ, ಅಮರೇಶ, ಬಸವರಾಜ ಹಿರೇದಿನ್ನಿ, ಮಹಾಂತೇಶ, ಅಯ್ಯಪ್ಪ, ಶರಣ ಕುಮಾರ ಮುದ್ದಂಗುಡ್ಡಿ, ಸಿದ್ರಾಮ ಸುಂಕನೂರು, ಯಲ್ಲಪ್ಪ ಮಲ್ಕಾಪುರ, ಜಯಪ್ಪ ಹಿರೇದಿನ್ನಿ, ಸಣ್ಣ ಮಹಾದೇವಪ್ಪ , ಮೌನೇಶ ಮರ್ಲಟ್ಟಿ, ಬಸವರಾಜ ಪೋತ್ನಾಳ, ದೇವರಾಜ ಇದ್ದರು.