ಎಟಿಎಂನಿಂದ 22.70ಲಕ್ಷ ರೂ. ಕಳವು

ಹಟ್ಟಿಚಿನ್ನದಗಣಿ (ರಾಯಚೂರು) : ಇಲ್ಲಿನ ಎಸ್‌ಬಿಐ ಎಟಿಎಂ ಷಟರ್ ಮುರಿದ ಕಳ್ಳರು, ಭಾನುವಾರ 22 ಲಕ್ಷ 70 ಸಾವಿರದ 100 ರೂ. ಕದ್ದೊಯ್ದಿದ್ದಾರೆ.

ಎಟಿಎಂ ಕೊಠಡಿಯಲ್ಲಿದ್ದ ಸಿಸಿಟಿವಿ ಕ್ಯಾಮೆರಾ ವೈರ್‌ಗಳನ್ನು ಕತ್ತರಿಸಿದ ಕಳ್ಳರು, ಪಾಸ್‌ವರ್ಡ್ ಬಳಸಿ, ಎಲ್ಲ ಹಣದೊಂದಿಗೆ ಪರಾರಿಯಾಗಿದ್ದಾರೆ. ಡಿವೈಎಸ್‌ಪಿ ಎಸ್.ಎಚ್.ಸುಬೇದಾರ್, ಸಿಪಿಐ ವಿ.ಎಸ್.ಹಿರೇಮಠ, ಪಿಎಸ್‌ಐ ಶೈಲಾ ಪ್ಯಾಟಿಶೆಟ್ಟರ್ ಅವರು ಸ್ಥಳಕ್ಕೆ ಭೇಟಿನೀಡಿದ್ದರು. ಪೊಲೀಸ್ ಶ್ವಾನ, ಬೆರಳಚ್ಚುಗಾರರ ತಂಡ ಪರಿಶೀಲಿಸಿದವು. ಬ್ಯಾಂಕ್ ವ್ಯವಸ್ಥಾಪಕ ಅಶೋಕಕುಮಾರ ದರಬಾರಿ ನೀಡಿದ ದೂರು ಆಧರಿಸಿ, ಸ್ಥಳೀಯ ಠಾಣೆಯಲ್ಲಿ ಸೋಮವಾರ ಬೆಳಗಿನ ಜಾವ ಪ್ರಕರಣ ದಾಖಲಾಗಿದೆ. ಎಟಿಎಂಗೆ ಯಾವುದೇ ಧಕ್ಕೆ ಮಾಡದೆ ಪಾಸ್‌ವರ್ಡ್ ಬಳಸಿ ಹಣ ಕದ್ದೊಯ್ದಿರುವುದು ಅಚ್ಚರಿಮೂಡಿಸಿದೆ.