ಪ್ರವಾಸಿಯ ಬ್ಯಾಗ್ ಮರಳಿಸಿದ ‘ಪ್ರವಾಸಿ ಮಿತ್ರ’

ಹೊಸಪೇಟೆ: ಹಂಪಿಯ ವಿಜಯ ವಿಠ್ಠಲ ದೇಗುಲ ಬಳಿ ಬ್ಯಾಟರಿ ಚಾಲಿತ ವಾಹನದಲ್ಲೇ ಮರೆತುಹೋಗಿದ್ದ ಹಣವಿದ್ದ ತನ್ನ ಬ್ಯಾಗ್ ಅನ್ನು ಇಟಲಿಯ ಪ್ರವಾಸಿಗ ಎಡ್ರಡೊ ಅವರಿಗೆ ಪ್ರವಾಸಿಮಿತ್ರ ಸೆಕ್ಯೂರಿಟಿ ಗಾರ್ಡ್ ಮರಳಿಸಿದ್ದಾರೆ.

ಸೆಕ್ಯೂರಿಟಿ ಗಾರ್ಡ್ ಎಚ್.ವೆಂಕಟೇಶ್ ಅವರು, ವಿಜಯ ವಿಠ್ಠಲ್ ದೇಗುಲದಲ್ಲಿದ್ದ ಎಡ್ರಡೊ ಅವರನ್ನು ಸಂಪರ್ಕಿಸಿ, ಈ ಬ್ಯಾಗ್ ಮರಳಿಸಿದ್ದಾರೆ. ಬ್ಯಾಗ್‌ನಲ್ಲಿ ಎರಡು ಪಾಸ್‌ಪೋರ್ಟ್, 250 ಯುರೊ, 4500 ರೂ. ನಗದು ಮತ್ತು ಕ್ಯಾಮೆರಾ ಇದ್ದವು. ಪ್ರವಾಸಿ ಮಿತ್ರ ವೆಂಕಟೇಶ್ ಅವರ ಪ್ರಾಮಾಣಿಕತೆಗೆ ಎಡ್ರಡೊ ಮೆಚ್ಚುಗೆ ಸೂಚಿಸಿದರು.