ರಾಜಕೀಯ ಲಾಭಕ್ಕಾಗಿ ಪ್ರತ್ಯೇಕ ಧರ್ಮದ ಹೇಳಿಕೆ: ರಂಭಾಪುರಿ ಶ್ರೀ

ರಾಯಚೂರು: ವೀರಶೈವ-ಲಿಂಗಾಯತ ಎರಡು ಒಂದೇ. ರಾಜಕೀಯ ಲಾಭಕ್ಕಾಗಿ ಪ್ರತ್ಯೇಕ ಧರ್ಮವೆಂದು ಹೇಳಿಕೆ ನೀಡುವುದೆಷ್ಟು ಸರಿ ಎಂದು ರಂಭಾಪುರಿ ಜಗದ್ಗುರು ಶ್ರೀವೀರಸೋಮೇಶ್ವರ ಶಿವಾಚಾರ್ಯ ಸ್ವಾಮಿಗಳು ಪ್ರಶ್ನಿಸಿದರು.

ನಗರದಲ್ಲಿ ಮಾತನಾಡಿದ ಅವರು, ಪಂಚಪೀಠಗಳ ಬಗ್ಗೆ ಜಲ ಸಂಪನ್ಮೂಲ ಸಚಿವ ಎಂ.ಬಿ. ಪಾಟೀಲರ ಹೇಳಿಕೆ ದಾರಿ ತಪ್ಪಿಸುವ ಕಾರ್ಯ
ಎಂದು ಆರೋಪಿಸಿದರು.

ಬಹುಸಂಖ್ಯಾತರಾಗಿರುವ ವೀರಶೈವ-ಲಿಂಗಾಯತರನ್ನು ಅಲ್ಪಸಂಖ್ಯಾತರೆಂದು ಘೋಷಿಸಿದರೇ ಅಲ್ಪಸಂಖ್ಯಾತರಿಗೆ ಅನ್ಯಾಯ ಮಾಡದಂತಾಗುತ್ತದೆ ಎಂದು ಶ್ರೀಗಳು ಅಭಿಪ್ರಾಪಟ್ಟರು.

ಈ ಹಿಂದೆ ಒಂದು ಕೋಟಿಗೂ ಅಧಿಕವಿದ್ದ ವೀರಶೈವ-ಲಿಂಗಾಯತರ ಜನಸಂಖ್ಯೆ 60 ಲಕ್ಷಕ್ಕಿಳಿದಿದೆ ಎಂದು ಇತ್ತೀಚಿಗೆ ನಡೆದ ಜನಗಣತಿ ತಿಳಿಸುತ್ತಿರುವುದಾಗಿ ಹೇಳಿದರು. ಇದೇ 27ರಂದು ಶಿವಯೋಗ ಮಂದಿರದಲ್ಲಿ ಪಂಚಪೀಠ ಹಾಗು ವಿರಕ್ತಮಠಗಳ‌ ಸ್ವಾಮಿಗಳ ಸಭೆ ನಡೆಯಲಿದ್ದು, ಬಿಕ್ಕಟ್ಟಿನ ಬಗ್ಗೆ ಸ್ಪಷ್ಟ ನಿರ್ಧಾರ ಕೈಗೊಳ್ಳುವ ಸಾಧ್ಯತೆ ಇದೆ ಎಂದು ರಂಭಾಪುರಿಶ್ರೀ ಹೇಳಿದರು.