'ಶೀಘ್ರ ಜನರ ಸಮಸ್ಯೆ ಪರಿಹರಿಸಿ'

ಸಿಂಧನೂರು: ಜನತೆ ಹಲವು ಸಮಸ್ಯೆಗಳನ್ನು ಹೇಳಿಕೊಂಡು ಕಚೇರಿಗಳಿಗೆ ಬಂದಾಗ ಅವರನ್ನು ಅಲೆಸದೆ, ಅಧಿಕಾರಿಗಳು ಸಮಸ್ಯೆ ಪರಿಹಾರಕ್ಕೆ ಮುಂದಾಗಬೇಕು ಎಂದು ಲೋಕಾಯುಕ್ತ ಡಿವೈಎಸ್ಪಿ ಅಯ್ಯನಗೌಡ ಹೇಳಿದರು.

ನಗರದ ತಾಲೂಕು ಪಂಚಾಯಿತಿ ಸಭಾಂಗಣದಲ್ಲಿಶನಿವಾರ ನಡೆದ ಜಿಲ್ಲಾಲೋಕಾಯುಕ್ತ ಪೊಲೀಸ್‌ ಅಧಿಕಾರಿಗಳಿಂದ ಸಾರ್ವಜನಿಕ ಅಹವಾಲು ಸ್ವೀಕಾರ ಸಭೆಯಲ್ಲಿಅವರು ಮಾತನಾಡಿದರು. ನಗರದ ಆದರ್ಶ ಕಾಲೊನಿಯಲ್ಲಿಉದ್ಯಾನವನ ಜಾಗ ಒತ್ತುವರಿ ಮಾಡಿ ಮನೆ ನಿರ್ಮಿಸಲಾಗಿದೆ. ಇದನ್ನು ತೆರವುಗೊಳಿಸುವಂತೆ ನಗರಸಭೆಯವರಿಗೆ ಸೂಚನೆ ಇದ್ದರೂ, ಇದುವರೆಗೆ ಕ್ರಮಕ್ಕೆ ಮುಂದಾಗಿಲ್ಲಎಂದು ಆನಂದ್‌ ಗೋರ್ಕರ್‌ ಎನ್ನುವವರು ಅಧಿಕಾರಿಗಳ ಗಮನಕ್ಕೆ ತಂದರು. ಈ ವೇಳೆ ನಗರಸಭೆ ಅಧಿಕಾರಿಗಳನ್ನು ತರಾಟೆಗೆ ತೆಗೆದುಕೊಂಡ ಲೋಕಾಯುಕ್ತರು, ಈ ಬಗ್ಗೆ ಸೂಕ್ತ ಕ್ರಮಕೈಗೊಳ್ಳಬೇಕು ಎಂದರು. ತಾಲೂಕು ಪಂಚಾಯಿತಿ ಮಳಿಗೆಗಳ ಹಂಚಿಕೆ ಅಕ್ರಮ, ನಗರದಲ್ಲಿಸ್ವಚ್ಛತೆ ಇಲ್ಲದೇ ಇರುವುದು, ನಗರಸಭೆಯಲ್ಲಿಲ್ಯಾಪ್‌ಟಾಪ್‌ ಹಂಚಿಕೆಯಲ್ಲಿಅಕ್ರಮ ನಡೆದಿರುವುದು, ವಿದ್ಯುತ್‌ ಬಿಲ್‌ ನೀಡುವಲ್ಲಿವಿಳಂಬ ಮಾಡಿರುವುದು ಸೇರಿ ಹಲವು ದೂರುಗಳನ್ನು ನೀಡಲಾಯಿತು. 9 ದೂರುಗಳಲ್ಲಿ, ದೂರುಗಳಿಗೆ ಸ್ಥಳದಲ್ಲಿಪರಿಹಾರ ದೊರೆಯಿತು.

ಲೋಕಾಯುಕ್ತ ಪೊಲೀಸ ಟಿ.ಆರ್‌.ರಾಘವೇಂದ್ರ, ಸಿಬ್ಬಂದಿಗಳಾದ ಖಾದರ್‌, ಗುರುಚಂದ್ರ, ವಿಜಯಕುಮಾರ, ಗೋಪಿನಾಥ, ಮಲ್ಲೇಶಯ್ಯ, ಅಮರೇಶ ಹಾಗೂ ತಾಲೂಕು ಮಟ್ಟದ ಅಧಿಕಾರಿಗಳು ಪಾಲ್ಗೊಂಡಿದ್ದರು.