ಮೋದಿ ಜತೆ ಚಂದ್ರಯಾನ 2 ಲ್ಯಾಂಡಿಂಗ್‌ ವೀಕ್ಷಿಸಲಿದ್ದಾಳೆ ರಾಯಚೂರು ಹುಡುಗಿ

ರಾಯಚೂರು: ಚಂದ್ರಯಾನ-2 ಚಂದ್ರನ ಅಂಗಳಕ್ಕೆ ಮುತ್ತಿಡುವ ಕ್ಷಣವನ್ನು ನೇರವಾಗಿ ಕಣ್ತುಂಬಿಕೊಳ್ಳುವ ಅವಕಾಶ ಪಡೆದ ಅದೃಷ್ಟವಂತೆ ಈಕೆ. ಅದಕ್ಕಿಂತಲೂ ದೊಡ್ಡ ವಿಶೇಷವೆಂದರೆ ಈಕೆ ಈ ಕ್ಷಣವನ್ನು ದೇಶದ ಪ್ರಧಾನಿ ಜೊತೆ ಕೂತು ವೀಕ್ಷಿಸಲಿದ್ದಾಳೆ. ರಾಯಚೂರು ಜಿಲ್ಲೆಯ ಸಿಂಧನೂರಿನ ಡಾಫೋಡಿಲ್ಸ್‌ ಕಾನ್ಸೆಪ್ಟ್‌ ಶಾಲೆಯ 9ನೇ ತರಗತಿ ವಿದ್ಯಾರ್ಥಿನಿ ಜಿ.ವೈಷ್ಣವಿ ನಾಗರಾಜ ಈ ಅದೃಷ್ಟವಂತೆ.

ರಾಜ್ಯದಿಂದ ಒಟ್ಟು ಇಬ್ಬರು ವಿದ್ಯಾರ್ಥಿಗಳು ಚಂದ್ರಯಾನ 2 ಲ್ಯಾಂಡಿಂಗ್‌ ಲೈವ್‌ ವೀಕ್ಷಣೆಗೆ ಅವಕಾಶ ಪಡೆದಿದ್ದಾರೆ. ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಆಗಸ್ಟ್‌ 10ರಿಂದ 25ರ ನಡುವೆ ಹಲವು ಸುತ್ತುಗಳ ಆನ್‌ಲೈನ್‌ ಕ್ವಿಜ್‌ ನಡೆಸಿತ್ತು. 20 ಪ್ರಶ್ನೆಗಳಿಗೆ 10 ನಿಮಿಷದ ಅವಧಿಯಲ್ಲಿ ಸರಿ ಉತ್ತರ ನೀಡುವ 60 ಅದೃಷ್ಟಶಾಲಿ ವಿದ್ಯಾರ್ಥಿಗಳಿಗೆ ಲ್ಯಾಂಡರ್‌ ಮತ್ತು ರೋವರ್‌ ಚಂದ್ರನ ಮೇಲ್ಮೈ ಸ್ಪರ್ಷಿಸುವ ಕ್ಷಣವನ್ನು ನೇರ ಪ್ರಸಾರದಲ್ಲಿ ವೀಕ್ಷಿಸುವ ಅವಕಾಶ ಕಲ್ಪಿಸುವುದಾಗಿ ಇಸ್ರೋ ಹೇಳಿತ್ತು. ಅದರಂತೆ ಇದೀಗ ಜಿ.ವೈಷ್ಣವಿ ನಾಗರಾಜ ಆಯ್ಕೆಯಾಗಿದ್ದಾರೆ.

ಚಂದ್ರಯಾನ 2: ಚಂದಿರನ ಮೇಲೆ ಇಳಿಯೋ ಕ್ಷಣ ಬಂದೇ ಬಂತು...!

ಸೆಪ್ಟೆಂಬರ್‌ 7 ರಂದು ಮುಂಜಾನೆ 1 ಗಂಟೆ 55 ನಿಮಿಷಕ್ಕೆ 'ಪ್ರಗ್ಯಾನ್‌' ರೋವರ್‌ ಮತ್ತು 'ವಿಕ್ರಮ್‌' ಲ್ಯಾಂಡರ್‌ ಚಂದ್ರನ ಮೇಲೆ ಇಳಿಯಲಿದೆ. ಇದರ ನೇರ ಪ್ರಸಾರದ ವೀಕ್ಷಣೆಗೆ ಬೆಂಗಳೂರಿನ ಇಸ್ರೋ ಕೇಂದ್ರ ಕಚೇರಿಯಲ್ಲಿ ವ್ಯವಸ್ಥೆ ಮಾಡಲಾಗಿದೆ. ಅಂದು ಬೆಂಗಳೂರಿಗೆ ಬರಲಿರುವ ಪ್ರಧಾನಿ ನರೇಂದ್ರ ಮೋದಿ ಚಂದ್ರಯಾನ -2 ಲ್ಯಾಂಡಿಂಗ್‌ನ್ನು ಈ ಬಾಲಕಿ ಹಾಗೂ 60 ವಿದ್ಯಾರ್ಥಿಗಳ ಜೊತೆ ಕುಳಿತು ನೇರವಾಗಿ ವೀಕ್ಷಿಸಲಿದ್ದಾರೆ.

ಪ್ರಧಾನಿ ಮೋದಿಯಿಂದ ಚಂದ್ರಯಾನ-2 ಲ್ಯಾಂಡಿಂಗ್ ವೀಕ್ಷಣೆ: ಸಾಥ್ ನೀಡಲಿರುವ ವಿದ್ಯಾರ್ಥಿಗಳು

ಚಂದ್ರಯಾನಕ್ಕೆ ದಕ್ಷಿಣ ಧ್ರುವದಲ್ಲೇನು ಕೆಲಸ?