ಶಂಕಿತ ಡೆಂಗ್ಯೂ, ಜಾಗೃತಿ

ದೇವದುರ್ಗ: ತಾಲೂಕಿನ ಶಿವಂಗಿ ಗ್ರಾಮದಲ್ಲಿಶಂಕಿತ ಡೆಂಗ್ಯೂ ಜ್ವರದಿಂದ ಬಳಲುತ್ತಿರುವುದರಿಂದ ಆರೋಗ್ಯ ಇಲಾಖೆ ಹಾಗೂ ಕಲ್ಯಾಣ ಕರ್ನಾಟಕ ವಿಮೋಚನಾ ವೇದಿಕೆಯಿಂದ ಮನೆ ಮನೆಗೆ ಭೇಟಿ ನೀಡಿ, ಜನರಿಗೆ ಗುರುವಾರ ಜಾಗೃತಿ ಮೂಡಿಸಲಾಯಿತು.

ಶಂಕಿತ ಡೆಂಗ್ಯೂ ಜ್ವರದಿಂದ ಬಳಲುತ್ತಿದ್ದ ಯಲ್ಲಮ್ಮ, ಲಿಂಗಯ್ಯ, ಬಸಮ್ಮ, ರಂಗಪ್ಪ ಅವರಿಗೆ ಮುಂಜಾಗೃತೆ ಕ್ರಮಗಳ ಬಗ್ಗೆ ಮಾಹಿತಿ ನೀಡಲಾಯಿತು.

ಗ್ರಾಮ ಪಂಚಾಯಿತಿಯಿಂದ ಗ್ರಾಮದಲ್ಲಿಫ್ಯಾಗಿಂಗ್‌ ಸಿಂಪಡಿಸಬೇಕು. ಹಾಗೆಯೇ ಮನೆ ಮನೆಗೆ ಸೊಳ್ಳೆ ಬತ್ತಿ ವಿತರಿಸಬೇಕು ಎಂದು ಕಲ್ಯಾಣ ಕರ್ನಾಟಕ ವಿಮೋಚನಾ ವೇದಿಕೆ ಅಧ್ಯಕ್ಷ ರಾಮಣ್ಣ ಎನ್‌.ಗಣೇಕಲ್‌ ಒತ್ತಾಯಿಸಿದರು.ಈ ಸಂದರ್ಭದಲ್ಲಿಆಶಾ ಕಾರ್ಯಕರ್ತೆಯರಿದ್ದರು.