'ಕಠಿಣ ಕ್ರಮ ಕಾನೂನು ಕ್ರಮ ಕೈಗೊಳ್ಳಿ'

ರಾಯಚೂರು : ಸಂವಿಧಾನದ ಬಗ್ಗೆ ಹಗುರವಾಗಿ ಮಾತನಾಡಿರುವವರ ವಿರುದ್ಧ ಕಠಿಣ ಕಾನೂನು ಕ್ರಮಕೈಗೊಳ್ಳಬೇಕೆಂದು ಜೈಭೀಮ ಸಂಘರ್ಷ ಸಮಿತಿ ಪದಾಧಿಕಾರಿಗಳು ಅಪರ ಜಿಲ್ಲಾಧಿಕಾರಿ ದುರುಗೇಶ ಅವರಿಗೆ ಗುರುವಾರ ಮನವಿ ಸಲ್ಲಿಸಿದರು.

ಶಿಕ್ಷಣ ಇಲಾಖೆ ಕಾರ್ಯದರ್ಶಿ ಹಾಗೂ ಐಎಎಸ್‌ ಅಧಿಕಾರಿ ಉಮಾಶಂಕರ ಇವರು ಸಂವಿಧಾನವನ್ನು ಡಾ.ಬಾಬಾ ಸಾಹೇಬ್‌ ಅಂಬೇಡ್ಕರ್‌ ಅವರು ಬರೆದಿಲ್ಲವೆಂದು ಹೇಳಿರುವುದು ತೀವ್ರ ಬೇಸರ ತರಿಸಿದೆ. ಇವರ ಹೇಳಿಕೆ ಮಕ್ಕಳ ಮನಸ್ಸಿನಲ್ಲಿವಿಷಬೀಜ ಬಿತ್ತಲಿದೆ. ಇಂತಹವರ ವಿರುದ್ಧ ಕಾನೂನು ಕ್ರಮಕೈಗೊಳ್ಳಬೇಕು ಎಂದು ಒತ್ತಾಯಿಸಿದರು.

ಸಮಾಜದಲ್ಲಿಗೊಂದಲ ಸೃಷ್ಟಿಸುವ ಹೇಳಿಕೆ ನೀಡಿರುವ ಹಿನ್ನೆಲೆ ಅವರನ್ನು ಸೇವೆಯಿಂದ ಅಮಾನತುಗೊಳಿಸಬೇಕು. ಇಲ್ಲವಾದಲ್ಲಿಸಂಘದಿಂದ ಜಿಲ್ಲಾದ್ಯಂತ ಉಗ್ರ ಹೋರಾಟ ಹಮ್ಮಿಕೊಳ್ಳಲಾಗುವುದು ಎಂದು ಮನವಿ ಪತ್ರದಲ್ಲಿಎಚ್ಚರಿಸಿದರು.

ಪದಾಧಿಕಾರಿಗಳಾದ ವಿನೋದ ಚಾಗಭಾವಿ, ಹನುಮಪ್ಪ ಭೇರಿ, ಸಂಗಮೇಶ, ಈರಣ್ಣ, ಹನುಮಂತ, ಆಂಜನೇಯ, ರಾಮಣ್ಣ ಬುದ್ದಿನ್ನಿ, ಹನುಮಂತು, ಮಹಾಂತೇಶ ಕಾಡ್ಲೂರು, ರಮೇಶ, ಅನಂತರಾಜ್‌ ಸೇರಿ ಇತರರಿದ್ದರು.