ಸಿಪಿಐ ಕಾರಿಗೆ ಲಾರಿ ಡಿಕ್ಕಿ

ಮಸ್ಕಿ : ತಾಲೂಕಿನ ಸಂತೆಕೆಲ್ಲೂರು ಬಳಿ, ಲಿಂಗಸುಗೂರು ಸಿಪಿಐ ವಿ.ಎಸ್‌.ಹಿರೇಮಠ ಅವರ ಕಾರಿಗೆ ಸೋಮವಾರ, ಲಾರಿ ಡಿಕ್ಕಿ ಹೊಡೆದಿದ್ದು, ಕಾರು ಚಾಲಕ ಸೇರಿ ಇತರರು ಗಾಯಗೊಂಡಿದ್ದಾರೆ.

ವಿ.ಎಸ್‌.ಹಿರೇಮಠ ಅವರು ತಮ್ಮ ಕುಟುಂಬದ ಸದಸ್ಯರ ಜತೆ ಕಾರಿನಲ್ಲಿ ಲಿಂಗಸುಗೂರಿಗೆ ತೆರಳುತ್ತಿದ್ದಾಗ ಎದುರಿನಿಂದ ಬಂದ ಲಾರಿ ಡಿಕ್ಕಿ ಹೊಡೆದಿದೆ. ಅವರ ಕುಟುಂಬದ ಸದಸ್ಯರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ. ಲಿಂಗಸುಗೂರು ಸರಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸ್ಥಳೀಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.