ದಿ ವಿಲನ್‌ ಚಿತ್ರ ಬಿಡುಗಡೆ: ಟಿಕೆಟ್‌ ಸಿಗದೆ ನೂಕು ನುಗ್ಗಲು, ಲಾಠಿ ಪ್ರಹಾರ

ರಾಯಚೂರು: : ಭಾರಿ ನಿರೀಕ್ಷೆ ಮೂಡಿಸಿದ್ದ, ಹ್ಯಾಟ್ರಿಕ್ ಹೀರೋ ಶಿವರಾಜ್‌ ಕುಮಾರ್‌, ಅಭಿನಯ ಚಕ್ರವರ್ತಿ ಸುದೀಪ್‌ ನಟಿಸಿರುವ ದಿ ವಿಲನ್‌ ಚಿತ್ರ ಗುರುವಾರ ರಾಜ್ಯದಾದ್ಯಂತ ಬಿಡುಗಡೆಯಾಗಿದೆ.

ರಾಯಚೂರಿನಲ್ಲಿ ದಿ ವಿಲನ್‌ ಸಿನಿಮಾ ಟಿಕೆಟ್‌ಗಾಗಿ ನೂಕು ನುಗ್ಗಲು ಉಂಟಾಗಿದ್ದು, ಪರಿಸ್ಥಿತಿ ನಿಯಂತ್ರಿಸಲು ಪೊಲೀಸರು ಲಾಠಿ ಪ್ರಹಾರ ನಡೆಸಿದರು.

ಸಿಂಧನೂರು ನಗರದ ಸಂಗಮ ಚಿತ್ರಮಂದಿರದಲ್ಲಿ ದಿ ವಿಲನ್‌ ಚಿತ್ರ ಪ್ರದರ್ಶನಗೊಂಡಿತು.

ಇದನ್ನು ವೀಕ್ಷಿಸಲು ಬಂದಿದ್ದ ಹಲವರಿಗೆ ಟಿಕೆಟ್‌ ಸಿಗದ ಕಾರಣ ಆಕ್ರೋಶಗೊಂಡು ಕಲ್ಲು ತೂರಾಟ ನಡೆಸಿದರು. ಈ ಸಂದರ್ಭದಲ್ಲಿ ಭಾರಿ ನೂಕು ನುಗ್ಗಲು ಕೂಡ ಉಂಟಾಯಿತು.

ಪರಿಸ್ಥಿತಿ ಕೈ ಮೀರಿದಾಗ ಪೊಲೀಸರು ಮಧ್ಯ ಪ್ರವೇಶಿಸಿ ಲಾಠಿ ಪ್ರಹಾರ ನಡೆಸಿದರು, ಪರಿಸ್ಥಿತಿ ತಿಳಿಗೊಳಿಸಿದರು.